Tau muaj Australia thawj cov kev teeb txheeb hu ua Adolescent Man Box uas txheeb txog 4 yam li, cov kev pheej coj tej cwj pwm zoo li txiv neej, cov kev tswj yus cov kev xav, cov social teasing thiab hetero sexism thiab cov masculinity uas tawm tsam tsis pom zoo nrog cov homosexuality thiab feminity ces tau txheeb tau ua ib co kev teeb txheeb nrog 1,400 tus hluas nyuam qhuav nto nkauj nto nraug ces txheeb tau tias tej me nyuam tub hluas pheej raug yuam kom ua txiv neej yawg khov kho uas tej zaum tej tswv yim no yuav ua rau lawv tsis tau txais kev noj qab nyob zoo thiab muaj teeb meem rau lawv tej cwj pwm - thiab yog lawv ua li ntawd ces yuav ua rau muaj teeb meem rau lawv thiab lwm tus.
Chris Hanato uas tseem yog ib tug me nyuam tub hluas hnoob nyoog 17 xyoo thiab tseem kawm high school hais tias:
"Yus pheej yuav tau ua ib tug txiv neej yawg siab tawv qhawv txhua txhua hnub nkaus xwb, thiab yeej tsis pub yus ua tej yam uas yuav ua tsis tau txiv li, thiaj ua rau kuv mloog tau tias tsis muaj tseeb li hais ntawd."
Cov kev teeb txheeb no txheeb tau tias muaj tej me nyuam tub yuav laug txog ib nrab tau hais tias lawv raug tsub nias kom coj tej cwj pwm uas zoo li yus ntseeg yus tus kheej thiab zoo li yus niam yog ib tug neeg muaj tsab peev xwm txhua sij hawj.
Muaj tej hluas no yuav laug txog ib nrab ntseeg tias cov kev pheej raug lwm tus xav tias ib tug neeg twg yog gay no ua rau yus zoo li tsis tshua yog txiv neej lawm.
Thiab yeej tau muaj tej hluas no ntau tshaj ib nrab yeej tau saib tej duab liab qab thiab yeej muaj coob leej ntau tus uas pheej muaj cov kev xav nruj tias ib tug txiv neej yawg zoo li cas no yeej tau saib tau pom tej teeb meem uas tawm tsam rau tej poj niam ntawm tej yeeb yiaj kab liab qab.
Vim yeej muaj tej hluas no txog 25% tau qhia tias lawv raug mob rau lawv lub cev ntaj ntsug. Thiab yog ib tug txiv neej pheej tsim kev kub ntxhov rau lawv tus hluas nkauj/poj niam ces tej zaum yeej nyuam qhuav ntxim xwb los sis tej zaum lawv pheej ua ib yam dab tsi thab kom tej txiv neej chim.
Matt Tyler thiaj uas yog tus tswj cov hauj lwm Man's Project ntawm lub koom haum Jesuit Social Services thiaj qhia tias muaj kev txhawj xeeb heev rau tej hluas uas pheej muaj cov kev xav zoo li no. Thiaj thiaj tau nqua hu kom nom tswv nrog saib xyuas kom tswj tau tej online platforms kom tau txais kev nyab xeeb tshaj qub ntxiv thiab kom tau tej xov xwm zoo tshaj qub ntxiv qhia rau tej niam txiv, vim zoo li tej social media platforms tsuas kub siab kom lawv tau nyiaj thiab tso tej contents kom neeg quav thiab nyiam saib xwb.
Tab ssi tsab ntawv cej luam no kuj qhia tej yam zoo thiab; li tej me nyuam tub hluas feem coob yeej tau qhia tias yog thaum lawv pom muaj neeg hais lus phem los yog pheej thab tej poj niam lub cev los yog pheej hais tej lus tsis nyiam poj niam ces ua rau lawv tsis nyiam.
Ces thiaj tau nqua hu kom tsoom fwv teb chaws npaj ib co tswv yim siv thoob plaws haiv neeg no 5 xyoos coj los pab cob qhia tej me nyuam tub hluas no, thiab raus tes thaum ntxov pab.
Tsis tas li ntawd los xav kom teeb tsa ib tug nom los tswj dej num pab rau tej me nyuam yaus kom ua tib zoo xyuas kom phaum neeg tom ntej no loj hlob rau tej chaw uas tau txais kev nyab xeeb thaib muaj kev hwm lwm tus.
READ MORE
My story - Hloov peb lub neej tshiab
