Hauj lwm hnav zam fashion

'Cov kev ua cov hauj lwm fashion modelling yuav tau txais txiaj ntsim ntau yam rau yus thiab ntau yam lagluam.'

Credit: Armen Aydinyan (Unsplash)

Koj puas xav paub tias ua hauj lwm fashion modelling (hnav zam fashion) yog cov hauj lwm zoo li cas thiab yus ho yuav tau txais txiaj ntsim dab tsi los yog ho yuav tau txais txiaj ntsim rau lwm cov lagluam li cas?

Ntxhais Thoj uas yog ib tug ntxhais Hmoob Meskas uas ua cov hauj lwm fashion modelling los tau txog li ntawm 10 xyoo hais tias ua ntej koj yuav mus hnav zam fashion show ces koj yuav tau sawv ntxov, npaj koj tej plaub hau thiab yuav tau pleev plhu uas yuav tau siv sij hawm ntev kawg nkaus los npaj thiab.

Cov kev hnav zam fashion tsis yog ib txoj kev zoo nkauj xwb tab sis pab kom yus ntseeg yus tus kheej, pab kom cov models muaj cib fim, yog ib yam kev lom zem, yog ib co kev siv yus lub peev xwm, yog ib cov kev cog kev phooj ywg thiab pab kom yus txawj nrog lwm tus tham, pab tej neeg xaws khaub ncaws fashion, pab tau tej tswv lagluam, tej neeg pleev phlu thiab tej neeg kho plaub hau tib si.

I am Tsai, Hmong US fashion model.

Nws qhia tias nws yeej nyiam cov kev ua fashion modelling txij thaum nws tseem yau lawm tab sis zoo li yeej tsis tshua muaj ib tug ntxhais Hmoob los ua tus qauv piv txwv li tsuas pom lwm haiv neeg ua ntau xwb tab sis thaum nws loj hlob tuaj ces nws kuj muaj cib fim los ua tau tej hauj lwm no lawm thiab.

I am Tsai in black Credit: Xu Yang Photography

Ntxhais hais tias cov kev ua cov hauj lwm fashion modelling no 'kuj yog ib yam uas yus kuj kawm tau ntau yam zoo. Cov kev kawm uas cov hauj lwm no txawv tej kev kawm ntawm tej teej kawm uas yuav tau ib daim ntawv pov thawj thiab tsis muaj cov chav kawm qhia yus, tab sis cov kev kawm ua model no ces yus yeej kawm txog li qhov yus paub txog thiab qhov raws li yus paub ua xwb. Thiab yog yus tus kheej txoj kev peev xwm qhia rau yus tias yus ua tau yus tus kheej xwb tsis yog yus mus kawm los ua ib tug model.'

Cov kev ua ib tug model yuav tsum yog ib tug neeg tsis txhob txaj muag, yog ib tug neeg yuav tsum txawj hais lus thiab txawj tham nrog tib neeg txawm network, uas yog ntau yam peev xwm uas yeej muaj coob leej ntau tus ntshaw thiab xav tau,' raws li Ntxhais hais.

I am Tsai, Hmong US fashion model.

Yog li ntawd ne yuav ua li cas thiaj tau los ua cov hauj lwm tam li yog ib tug fashion model?

Raws li Ntxhais hais ces yeej tsis muaj ib co teej kawm twg qhia kom ib tug neeg twg txawj los ua cov hauj lwm no tab sis yog yus kawm yus xwb, tab sis tam sim no yeej muaj cov chav kawm uas tej neeg ua hauj lwm modelling los ntev ua cov qhia tej ntxhais hluas thiab tej tub hluas los ua cov hauj lwm no tau thiab.

Txuas ntxiv ntawd los kuj muaj tej koom haum model management agencies uas kuj pab nrhiav hauj lwm rau tej neeg xav ua fashion modelling ua thiab.

Ua cov hauj lwm no puas khwv tau nyiaj zoo thiab?

Ntxhais hais tias tsuas nyob ntawm tseb txoj hauj lwm ntawd siv los hnyav xwb ces koj tsuas khwv tau raws txoj hauj lwm ntawd xwb thiab, tab sis yeej khwv tau nyiaj zoo thiab.

Nws qhia tias nws yeej tau mus koom ntau cov fashion show ntawm California, Florida, Minnesota thiab New York.

Credit: Tsai post in Hmong costume in New York streets (Jeremy Chiu)

Ntxhais hais tias 'niaj hnub no los yeej pom tias muaj Hmoob ntau cov fashion show, muaj Hmoob nyiam design tej khaub ncaus fashion thiab xav tias tej models los yeej pab tej fashion designers coj lawv tej khaub ncaws coj mus show ntawm fashion runway ua xav tias yuav muaj ntau ntxiv tuaj rau yav tom ntej thiab.'

Credit: Hmong Myanmar inspired outfit (Kody Thao)

Nws hais tias 'nws kuj tau tswj cov fashion show no ntau zaus thiab kuj pom tau tias yog tej yam zoo rau tej ntxhais uas nyuam qhuav pib ua cov hauj lwm fashion show thiab kuj yog ib qho cib fim rau cov fashion designers tuaj showcase lawv tej khaub ncaws, yog li nws thiaj tseem xav tswj cov fashion show txuas ntxiv kom muaj cib fim ntau tuaj ntxiv rau Hmoob tej ntxhais tej tub uas nyiam ua tej hauj lwm no.'

Ntxhais hais tias nws tseem muaj ib txoj kev npau suav tias muaj ib hnub twg nws xav mus ua fashion model rau ntiaj teb tej koom txoos fashion show uas muaj koob nto npe ntawm cov teb chaws Europe ntxiv thiab.

Feem ntau mas tej neeg tsuas pom txog qhov zoo nkauj xwb, tsis yog ib txoj hauj lwm yooj yim, kuj yog ib yam lom zem tab sis yuav tau siv sij hawm ntau los npaj yus tus kheej thiaj ua tau zoo. Yus yuav tau ua exercise kom noj qab nyob zoo thiab tau lub cev zoo, tsis txhob txaj muag, thiab xyaum kom txawj hais lus, thiab txawj connect nrog lwm tus mas thiaj yuav nrhiav tau hauj lwm ua.

I am Tsai, Hmong US fashion model.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.