Muaj tej txheej txheej siv IVF li cas ntawm Australia?

Koj puas paub tias In Vitro Fertilisaiton (IVF) yeej tsis yog thawj kauj ruam tab sis yog kauj ruam kawg ntawm cov txheej txheem pab kom muaj me nyuam? Tej xeev nyias yeej muaj nyias cai tswj cov kev siv IVF. Tej zaum cov kev siv IVF kuj yuav kim heev thiab yog tej yam ua rau yus muaj kev txhawj xeeb heev. Nod yog tej uas koj yuav ntsib thaum koj muaj hom phiaj xav siv cov IVF los pab kom muaj me nyuam ntawm teb chaws Australia.

In Australia, same-sex couples, single parents, women and men with fertility problems have thousands of children through IVF every year. Source: Moment RF / Maria Legoshina/Getty Images

Ntsiab lus tseem ceeb:

• Tej xovxwm ntawm tag nrog tej IVF clinicsntawm Australia yeej muaj nyob ntawm tsoom fwv lub vas sab yourivfsuccess.com.au uas tsoom fwv tshwm nyiaj pab.
• Tej kws paub zoo txog tej hauj lwm no taw qhia kom txheeb ntau yam thaum xaiv ib lub fertility clinic siv.
• Ua tib zoo txheeb seb koj puas yog tej neeg muaj cai tau nyiaj pab cuam rau cov kev siv fertility services.
• Fertility counselling pab kom koj thiab koj tus txiv kom nkag siab thiab npaj tos ib co xwm txheej seb cov kev siv IVF no yuav zoo li cas.

Mloog tau SBS Hmong ntawm no.

• Yuav xaiv ib lub IVF clinic siv li cas?
• Leej twg yog cov yuav pab kuv thaum siv IVF treatment?
• Siv IVF puas kim?
• Puas yog IVF tsuas yog tib txoj xub ke uas kuv siv tau xwb?
• Kuv puas yuav tau txais kev pab cuam thaum kuv siv IVF?

Tau ntau xyoo lawm txij lu xyoo 1978 uas ntiaj teb tau siv In Vitro Fertilisation (IVF) los pab yug tau thawj tug me nyuam ntawm teb chaws Askiv. Thiab txij ntawd los ces tau siv IVF pab kom yug tau tej me nyuam mob liab kwv yees txij ntawm 10 txog 13 million tus thoob ntiaj teb no lawm.

Australia kuj yog ib lub teb chaws ntawm ntau lub uas siv cov IVF ntau tshaj plaws.

Raws li tej statistics tshiab uas muaj ntawd ces yeej pom tias Txhua txhua 1 tug me nyuam yug tshiab ntawm 16 tus twg uas yug ntawm Australia xyoo 2022 ces yeej yog siv cov IVF pab.

Tej zauv no yog teev raws li tej xov xwm uas lub koom hau Australian and New Zealand Assisted Reproduction Database (ANZARD) tau khaws cia.

Professor Georgina Chambers yog tus coj cov kev teeb txheeb ntawm tsev kawm qib siab University of New South Wales uas tswj haiv neeg no lub koom haum IVF registry.

Professor Chambers hais tias "Yeej muaj tej fertility clinics qhia cov kev siv IVF ib puas feem pua (100%) rau peb paub. Vim tias yog lawv tsis qhia rau peb paub raws li lawv tej ntsiab cai tau teev tseg (code of practice) ces lawv yuav tsis tau ntaub ntawv tso cai ua tau tej hauj lwm no."

Tag nrho tej fertility clinics ntawm Australia no yuav tau qhia lawv tej xov xwm txog cov kev siv IVF rau haiv neeg no lub koom haum IVF registry. Ces lub koom haum ANZARD mam li mus txheeb tej xov xwm no ib xyoos ib zaug coj los ua cov kev txiav txim siab tias seb puas lees paub tias ib lub clinic twg puas muaj tej txuj paub ua tau tej hauj lwm no thiab puas tsim nyog muaj ntaub ntawv tso cai ua tau tej hauj lwm no. Credit: SolStock/Getty Images

ANZARD tej xov xwm ces yeej muaj rau zej tsoom sawv daws saib ntawm yourivfsuccess.com.au, uas yog ib lub vas sab (Website) ywj pheej tsis nce rau ib lub clinic twg thiab tau txais thiab tau txais nyiaj pab cuam ntawm tsoom fwv Australia.

Dua ntawm haiv neeg no tej statistics thiab tej xov xwm txog cov kev siv IVF pab kom muaj me nyuam ntawd ces, tej neeg mus txheeb lub vas sab no muaj peev xwm siv tau ib co twj hauv online coj los pab txheeb thiab kwv yees rau tej neeg ntiag tug tsi ntsees tias lawv puas yuav muaj cib fim siv tau tej IVF treatment pab ntawd puas yuav muaj cib fim muaj taus me nyuam.

Professor Chambers tshab txhais tias "Nws pab kom tej neeg sau tej xov xwm qhia txog lawv tus kheej, piv txwv li lawv tej hnoob nyoog, lawv tus txiv tej hnoob nyoog, lawv puas tau siv cov IVF treatment no dua los li, thiab txheeb tias seb lawv puas tau siv cov IVF treatment no dhau los li cas."

Yuav xaiv ib lub IVF clinic siv li cas?

Tsis tas li ntawd los kuj muaj ib co online database qhia txog tej IVF clinics tias seb hos siv tau cov IVF zoo npaum li cas coj los piv rau tag nrho haiv neeg no tej IVF uas muaj siv ntawm Australia.

"Tej neeg mob muaj peev xwm mus tshawb tau ib lub clinic twg npe los yog lawv muaj peev xwm sau lawv tus postcode thiab nrhiav tej fertility nyob ze lawv."

Tab sis cov kev yuav xaiv ib lub clinic kom haum rau yus ntiag tug siv yog ib co kev txiav txim siab uas sib chab sib chaws heev uas tsis tsim nyog pheem tsuas xav txog tias seb ho muaj cov kab theem siv tau IVF tau hauj lwm npaum li cas xwb thiab.

Dr Wales hais tias "Kuv xav tias yog tej yam tseem ceeb heev rau tej neeg mob uas tau tej xov xwm ntawm lwm tus neeg ntawm lawv tej neeg zejzog uas tau siv cov fertility treatment ntawm ib lub clinic twg thiab tau txheeb tau tias tau txais kev pab cuam ib yam dab tsi tsi ntsees raws li qhov lawv xav tau." Credit: Maskot/Getty Images/Maskot

Petra Wale uas yog tus president ntawm lub koom haum Fertility Society of Australia and New Zealand hais tias "Tseem muaj ib co kev totaub yuam kev tas mus li tias tias tej clinic kim yog cov clinic uas zoo tshaj plaws los sis yog cov uas muaj tej technology tshiab siv uas yeej ib txwm yuav paub tseeb tias pab kom muaj tau me nyuam,"

"Lub clinic uas haum rau yus siv tsim nyog yog lub uas mloog yus hais. Thiab tshab txhais qhia meej tseeb rau yus paub tias muaj tej xub ke twg rau yus siv, ua rau yus mloog tau tias yeej yuav tau txais kev pab rau txhua theem, thiab muaj peev xwm txheeb tias yus xav tau dab tsi thiab ua tib zoo xyuas kom yus tau siv tej kev pab ntawd."

Dr Wale uas yog ib tug paub zoo txog tib neeg cov kev muaj me nyuam thiab tsim cov nqe me nyuam, thiab siv cov kab tub kab ntxhais thiab tej nqe pab kom tej neeg muaj me nyuam (Clinical embryology) txhawb nqa kom tej neeg nug tej fertility clinics tias seb lawv yuav siv tej xub ke twg, suav tej lus nug uas nug txog:

• cov theem tu saib xyuas yus tsi ntsees raws li yus xav siv uas lawv muaj rau yus siv.
• cov kev qhia qhov tseeb thiab cov kev kub siab nrog xyuas kom ua tib zoo los npaj, txheeb, siv thiab xyuas seb siv puas tau hauj lwm zoo, yog ib co kev ua raws cai raws li qhov tsim nyog ua, yog ib co kev tuaj nruab nrab, thiab tau txais kev pov puag.
• cov kev pab cuam uas muaj siv.
• seb lawv ho puas muaj ib co kev kho uas tsim tsi ntsees raws li tej neeg xav tau.
• seb lawv ho puas tsim cov kev kho uas tej neeg siv muaj peev xwm siv tau haum raws li tej neeg siv tej kab li kev cai.

Yog tias koj tus fertility specialist qhia tias muaj lwm yam uas koj siv tau nrog koj cov treatment, ces nug lawv tias cov kev pab ntxiv ntawd ho tau txais tej txiaj ntsim dab tsi rau yus thiab puas tsim nyog tej nqe yus them. Credit: Maskot/Getty Images/Maskot

Leej twg yog cov yuav pab kuv thaum siv IVF?

Thaum uas yus siv cov fertility treatment pab seb yus puas muaj taus me nyuam ntawd ces tej zaum yus kuj yuav cuam tshuam ncaj nqa los sis kuj yuav muaj lwm yam kev cuam tshuam nrog ib pab neeg kho mob uas nyias ua nyias tej hauj lwm ntau yam sib txawv thiab. Uas tej neeg no ces yog yus tus fertility specialist uas txheeb thiab ntsuam yus thiab taw qhia tias seb yuav ua li cas, muaj tus fertility nurse nrog rau tus clinical embryologist uas ua hauj lwm ntawm laboratory thiab muaj tus fertility counsellor.

Siv IVF puas kim?

Tej fertility treatments, suav cov IVF nrog tib si yeej yog ib co uas tej zaum yuav kim heev. Tej neeg feem coob uas siv tej kev pab no yuav tau them tus nqe txwm kiag, los sis yam tsawg yuav siv lawv tej private health insurance pab them nqee yam nqe.

Tej zaum tej neeg mob uas muaj cai siv tau tej fertility treatment (IVF treatment) kuj yuav muaj peev xwm claim Medicare rebates thiab. Thiab tej zaum yus tej nom tswv xeev cov kev pab kho mob kuj yuav muaj tsoom fwv ib co nyiaj pab yus them tej nqe siv cov fertility services uas tej zaum yus claim tau me ntsis rov qab los sis yog pab kom yus tau them tej nqe siv no ib nyuag pheej yig zog thiab.

Txawm li cas los ua tib zoo txheeb nrog yus tus khws kho mob seb yus ntiag tug tej xwm txheej zoo li cas.

Associate Professor Alex Polyakov yog ib tug senior fertility consultant ntawm lub tsev kho mob Royal Women’s Hospital, uas yog ib lub ntawm ntau lub service providers ntawm Victoria uas muaj cov fertility services rau zej tsoom siv raws cov public health system.

Nws hais tias "Cov Public Fertility Service yeej txias tej ntawv referrals ntawm tej GPs thiab txuas ntxiv ntawd ces tej neeg mob mam tuaj ntsib peb thiab peb mam li txheeb thiab ntsuam txhua yam. Ces tom qab ntawd yeej ib txwm siv ib co kev kho raws li qhov tsim nyog kho."

Puas yog IVF tsuas yog tib txoj xub ke uas kuv muaj peev xwm siv xwb?

Associate Professor Polyakov hais tias "Qhov tseem ceeb yuav tau nco ntsoov ces kom paub tias IVF tsis yog thawj kauj ruam tab sis yog kauj ruam kawg ntawm tej txheej txheej ntau yam uas yuav ua ntawm cov kev siv tej fertility treatment no xwb."

Cov kev txhawb tej hormones kom tso qe los rau lub tsev me nyuam (Ovulation induction) thiab cov kev tso kab tub kab ntxhais ncaj qha rau lub tsev me nyuam (Intrauterine insemination) ces kuj yog lwm yam fertility treatment uas muaj siv thiab.

Tej fertility treatment li IVF tsis hais yuav siv ntawm ib lub private clinic los yog ib lub public services provider twg li yeej xub pib ntawm ib tug kws kho mob sau daim ntawv referral mus siv thiab cuam tshuam txog cov kev yuav tau txheeb yus tej keeb kwm kho mob rau thawj zaug uas yus mus ntsib lub clinic ntawd, thiab mus ntsuam thiab txheeb seb yus puas muaj mob los yog tau txais kev noj qab nyob zoo li cas. Source: Moment RF / Fiordaliso/Getty Images

Kuv puas yuav tau txais kev pab cuam thaum siv IVF?

Tsuas nyob ntawm seb koj nyob rau lub xeev twg xwb, tej zaum kuj muaj cai yuam kom yuav tsum tau siv cov fertility counselling thaum koj mus siv ib hom kev pab seb puas muaj tau me nyuam (Reproductive treatments) twg thiab.

Dr Wale hais tias cov kev pab daws kev nyuaj siab yog tej yam tseem ceeb heev, rau qhov nws yuav pab tej neeg daws ntau yam teeb meem nyuaj ntawm lawv cov kev sib raug zoo nrog lwm tus thiab cov kev txiav txim siab rau lub caij tseem siv cov fertility treatment.

"Cov kev tau siv cov kev pab cuam daws kev nuaj siab no yog tej yam yuav pab tau yus.

"Yog tias tej neeg mob tsis tshua muaj peev xwm ntxeem nrog tej xwm txheej no, ces tsis yog tias yog tej yam uas pab tsis tau yus — tab sis yog ib lub cim qhia tias tsim nyog yus yuav tau nrhiav kev pab rau yus."

Thiab kom nco tias, cov kev muaj tsis taus me nyuam no tsis yog tej yam dab tsi txawv, thiab tsis tsim nyog muab saib tam li yog tej yam ua rau yus txaj muag dab tsi.

Dr Wale hais tias "(Cov kev muaj tsis taus me nyuam no) yeej yog tej uas tej neeg sawv daws ntawm peb lub teb chaws, txhua yam kab lis kev cai thiab txhua pawg neeg tsawg ntsib,

"Thiaj tsim nyog peb txhawb nqa thiab pab ib tug twg uas xav siv lawv txoj cai los siv cov fertility treatment kom lawv muaj tub kis los yog ua tsheej ib yim neeg. Qhov no yog qhov tseem ceeb ntawm tej no."

Disclaimer:

Toom xov xwm no tsuas coj los qhia ua kev paub xwb. Koj yuav tau nrog koj tej neeg kho mob tham kom thiaj tau tej lus taw qhia siv haum rau koj raws li tej xwm txheej tshwm sim rau koj.

Subcribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia koj koj pib tau lub neej tshiab ntawm teb chaws Australia.

Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm [e-mail]

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.