Vim li cas thiaj tuaj rau Australia thiab ntsib dab tsi nyuaj
Maiv Yaj hais tias ''Kuv yug nyob Ban Vinai Camp, kuv yog ib tug, kuv yog me nyuam Hmoob tawg rog nawb."
"Yus niam yus txiv lawv yog neeg tawg rog, tuaj txog teb chaws Australia ces txhua yam yeej txawv tag, ces kuj nyuaj heev, vim tsis paub ntaub ntawv, lawv tsuas paub coj yus mus teev zem npe kawm ntawv xwb."
Ntsib dab tsi nyuaj rau cov kev kawm thaum pib neej tshiab ntawm Australia
"Qhov zoo ntawm kuv niam kuv txiv nkawv ces nkawv tsis paub lus (Askiv), tsis paub dab tsi tiam sis mas, nkawv muaj lub zeem muag zoo rau peb lub neej yav pem suab. Nkawv muaj los lus rau rau siab txhawb peb, thiab nkawv kuj nrhiav kev pab rau peb (cov me nyuam) sawv daws."
"Kuv niam yeej coj peb mus ncig zos Innisfail, coj peb mus ntsib cov me nyuam kawm tau ntawv zoo zog kom pab peb ua homework, ces peb kuj paub li ntawd los (txij ntawv peb thiaj kawm tau zoo lawm). Thaum pib mas yeej nyuaj, tab sis ua ua ces kuj txuas ntxiv tuaj ces yus kuj kawm tau lawm thiab."
"Thaum kuv loj hlob tuaj thiab mus kawm ntawv ces yus niam yus txiv yus pob yus yawg yeej hais lus Hmoob xwb tsis hais lus Askiv rau yus xwb, ces kuj tseem nyuaj heev vim yus yeej tsis paub lus Askiv li, yus mam xeem kawm, mam xeem hais lus Askiv, twb loj lawm mam paub mam hais tau. Twg loj mam kawm ces thiaj nyuaj heev. Yus nrog lwm tus me nyuam tawv dawb tham ntawm yus chav los yeej tseem nyuaj kawg."
"Kuv xav tias kuv twb kawm high school lawm kuv tseem struggle, kuv tseem pom tias hais tsis tshua tau lus Askiv zoo."
"Yus kuj ua phooj ywg nrog lwm haiv neeg thiab ces lawv kawm li cas los yus kuj qog lawv thiab, ces yus kuj tau me ntsis, thiab yus ho siv lawv lub tswv yim thiab ces thiaj li kawm tau txij ntawd los lawm."
"Lub sij hawm ntawd, cov me nyuam Hmoob lub neej tsis zoo li tam sim no es ho paub zog lawm thiab, peb niam peb txiv los yeej yog Hmoob tawg rog ces lawv tsis paub pab yus ces yus peev yus tiag tiag xwb. Yus ua homework yus ua dab tsi los yus ua yus xwb, dua ntawd ces yus yeej tsis paub mus nrhiav kev pab cuam qhov twg li. yus peem yus xwb ces yeej nyuaj heev nawb thaum ntawd nas."
"Kuv nco tau tias lub sij hawm ntawd peb cov Hmoob yeej tsis muaj cov yuav kawm tau zoo npaum li luag. Rau qhov yus niam yus txiv lub neej thaum ntawd yeej txawv tsis muaj kev pab li tam sim no."
"Thaum ntawv yus yog tus ntxhais hlob thiab ces zoo li yus tsis muaj txoj kev npau suav mus deb. Kuv ua hauj lwm ntxov ntxov. Kuv niam kuv txiv lawv lub neej thaum ntawv yeej txom nyem pab tsis tau tej me nyuam li lub neej tam sim no."
"Kuv nco tias yus ntshaw nyiaj ces yus mus khwv nyiaj, thaum ntawd kuv muaj 14-15 xyoos xwb kuv twb mus nrhiav hauj lwm ua ob hnub ib limtiam twg lawm."
"Kuv qhov work ethic no kuv muaj hmoo tias kuv pib ua hauj lwm ntxov, txog niaj hnub no los kuv yeej tseem ntseeg, thiab yeej tseem rau siab ua hauj lwm, kuv twb comfortable kuv tsis tas ua hauj lwm lawm los kuv tseem xav xav ua hauj lwm. Kuv yeej tseem niaj hnub ua hauj lwm."
