Muaj ib co kev teeb txheeb tshiab qhia tias tej hluas nto nkauj nto nraug twb txheeb txog tej kev sib daj dee, kev nkauj nraug thiab tau mus saib tej contents tsis zoo hauv online rau thaum ntxov ntawm lawv lub neej lawm.
Raws li tau muaj ib cov kev teeb txheeb tshiab qhia ces Australia tej hluas nto nkauj nto raug twb txheeb txog txoj kev sib daj deev, kev nkauj nraug thiab mus saib tej contents tsis zoo hauv online uas ua rau muaj teeb meem thaum ntxov rau lawv lub neej tshaj qub dhau los lawm.
Raws li tau muaj ib tsab ntawv cej luam ua tau sib koom teeb txheeb ntawm lub koom haum Our Watch thiab tsev kawm qib siab University of Melbourne tau txheeb tau ces pom tias yeej muaj tej hluas coob heev tau pib ua plees nkauj nraug sib hlub txij thaum lawv muaj hnoob nyoog 10 xyoo lawm, thiab lawv yeej pib sib deev tas mus li txij thaum lawv muaj hnoob nyoog 15 xyoos lawm.
Cov kev teeb txheeb no kuj tseem txheeb tau tias muaj yuav laug txhua txhua ib tug ntawm peb tug hluas yeej tau qhia tias lawv tau sib deev uas yog ib co kev sib deev uas lawv tsis xav tau, ua ke no los yog xam raws lub hnoob nyoog theem nrab thaum lawv muaj 13 thiab 14 xyoos ces lawv twb tau mus saib tej duab liab qab lawm.
Patty Kinnersly uas yog tus coj lub koom hau Our Watch hais tias tej neeg yeej tseem muaj cov kev xav tsis zoo rau tej poj niam, cuam tshuam nrog cov kev yeem sib deev thiab cov kev tsim kev kub ntxhov uas yeej tau muaj rau thaum ntxov ntawm tej hluas lub neej lawm. Yog li ntawd tej teej kawm thiaj muaj lub luag hauj lwm tseem ceeb yuav pab qhuab qhia kom tej hlua muaj peev xwm tsim tau cov kev sib raug zoo uas muaj kev sib hwm.
Mloog tau xov xwm tshiab ntawm SBS Hmong, download SBS Adio app thiab caum SBS Hmong ntawm Facebook thiab mloog tau Youtube, Spotify, Podfollow, iHeart Radio, Google Podcast thiab Apple Podcast.
