Julie Inman Grant uas yog tus coj ntawm Australia lub koom haum eSafety Commissioner tau los qhia txog tsoom fwv tej ntsiab cai uas muaj ib co kev taw qhia kom tej tuam txhab social media siv ib co technology los txheeb Australia tej me nyuam hnoob nyoog qes dua 16 kom tsis txhob pub mus qhib account siv los yog txawm siv lawm kom muab lawv tej accounts kaw. Tab sis kuj tsis hais kom txheeb txhuas tus neeg siv tej hnoob nyoog.
Anika Wells uas yog Australia tus nom tswj dej num Communications hais tias "Peb yeej txhawb nqa Australia tej cuab yig thiab pab kom Australia tej me nyuam tau txais kev nyab xeeb. Thiab peb yeej qhia meej tias peb xav tswj tej hauj lwm no li cas."
Txawm li cas los Senator Sarah Hanson-Young uas yog tus nom kis xeev siab ntawm pab nom Greens uas tswj cov hauj lwm Arts thiab Communications hais tias "Tsoom fwv lub tswv yim no uas yuav coj los siv txwv tsis pub tej me nyuam hnoob nyoog qes dua 16 xyoo siv tej social media platforms txij tim 10 lub 12 hlis ntujx yoo 2025 no yog ib lub uas ntxhov quav niab. Tsoom fwv tsis los daws tej teeb meem no tab sis siv lub tswv yim txwv ces xav tias yuav daws tau tej teeb meem no. Vim peb yeej paub tias tej tuam txhab social media yeej yuav tsim tej contents tsis zoo txuas ntxiv rau tej hluas saib hauv lawv tej platforms los yog ntawm lawv tej kev haub tau yaum."
Professor Lisa Given uas yog tus interdisciplinary researcher rau human information behaviour ntawm tsev kawm qib siab RMIT hais tias lub tswv yim no los yeej tsis yog ib lub tswv yim uas yuav daws tau tej teeb meem no thiab.
Thiaj uas rau Julie Inman Grant hais tias tej tuam txhab uas tsis los nrog txheeb Australia tej me nyuam tej hnoob nyoog thiab tsis txwv tej neeg hnoob nyoog qes dua 16 kom tsis txhob siv ces tej zaum yuav raug nplua nyiaj txog $50 million.
Thiab Australia lub koom haum eSafety Comissioner los kujt seem yuav mus ntsib ntau lub tuam txhab social media li Apple, Discord, Open AI, Google thiab Meta ntawm Silicon Valley limtiam tom ntej no los sab laj txog cov kev txwv no.
