Janice Peterson uas yog tus tswj SBS cov program SBS Social Schism uas koom tes ntawm SBS Examines thiab SBS Insights coj peb mus txheeb tias yog tim dab tsi thiaj ua rau Australia tsis muaj kev koom npoj.
Kirstie Parker uas yog tus tuam thawj koom tswj lub koom haum Reconciliation Australia tau hais tias:
"Kuv mloog tau tias zoo li tej neeg tau txais kev tso cai coj tej cwj pwm tsis zoo los sis tsis hwm lwm tus."
Ms Parker yeej tseem nco tau ''ib co lus tawm tswv yim phem heev hauv social media" thaum nws tseem ua hauj cov hauj lwm Yes campaign rau lub caij The Voice campaign xyoo 2023.
Hannah Ferguson uas yog tus coj lub koom haum Cheek Media Co tau hais tias social media yog ib co tseem ceeb ua rau muaj txoj kev sib tawg tswj uas ua rau tsis muaj kev koom npoj.
Social media ces yog tej pheej ua rau tib neeg muaj ob co kev xav sib txawv. Yog cov pheej ua kev zoo siab rau ib pab pawg neeg uas muaj cov kev xav thiab kev ntseeg zoo tib yam xwb, thiab pheej ua rau tej neeg no tsis pom zoo koom nrog lwm pab pawg neeg uas muaj cov kev xav sib txawv.Hannah Ferguson
Ua ke no los Adam Creighton uas yog tus Chief Economist ntawm lub chaw teeb txheeb Institute of Public Affairs tau hais tias yeej muaj tej neeg coob heev liam tias tim cov kev tsiv teb tsaws chaw thiaj ua rau tej nqe siv ua lub neej kim thiab tsis muaj vaj tse txaus rau neeg nyob.
Creighton tau hais tias ''Vim li ntawd tej neeg thiaj chim heev."
Giridharan Savaraman uas yog tus coj lub koom haum Race Discrimination Commission tau hasi tias cov kev tsis tau vaj huam sib luag rau cov kev ua hauj lwm khwv nyiaj yog ib co uas ib txwm ua rau muaj tej tswv yim faib cais ntxub ntxaug lwm tsav neeg sib txawv.
Savaraman tau qhia rau Janice tias "Yog tej yam yooj yim dua uas yuav liam ib co zejzog twg los yog ib co neeg ntiag tug twg, dua ntawv qhov yuav tau kub siab los hloov cov ib co system twg."
Toom xov xwm kaw ua suab no, SBS Examines mus txheeb txog ntau yam muaj feem rau cov kev sib koom npoj ntawm teb chaws Australia.
Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page thiab mloog tau SBS Hmong Youtube.
