Nkauj Lig Yaj tseem ua hauj lwm ntawm lub chaw teeb txheeb Wisconsin Alzheimer Research Centre thiab nws xav teeb txheeb kom tau ib cov hauv kev tshiab coj los kho tus kab mob Alzheimer rau lub neej pem suab.
Nws hais tias tam sim no yeej tseem tsis tau muaj ib txoj xub ke twg yuav kho tau tus mob no txawm tias muaj ib co tshuaj coj los noj pab tam sim no kom yus lub hlwb tseem ua hauj lwm lub qub los yeej pab tsis tshua tau npaum li cas.
Tej cwj pwm ua lub neej li pw kom tsaug zog txaus, noj zaub mov zoo muaj txij ntsim pab rau yus lub cev, kev ua exercise los yog ua ib yam tshiab kom yus tau kawm yam tshiab thiab pab kom yus lub hlwb ua hauj lwm zoo yog tej yam tseem ceeb uas yus muaj peev xwm ua tau coj los pab daws tus mob Alzheimer no.
Nws tseem qhia ntxiv tias nws xav kom muaj tej xov xwm txog tus kab mob Alzheimer ua lus Hmoob coj los qhia rau Hmoob tej zejzog kom paub txog tus mob no. Vim yog thaum muaj ib tug neeg yus hlub tshua li yus niam yus txiv, yus pog yawg los yog ib tug neeg hauv yus tsev uas cia li tsis nco qab tias nws yog leej twg, thiab nws tsev neeg yog leej twg lawm ces kuj pab hlub thiab txhawj xeeb heev txog lawv.
Yog koj xav tau xov xwm kom ntxaws txog cov kab mob Dementia no ces hu tau rau tus xov tooj 1800 100 500 nrog lub koom haum Dementia Australia tham tau.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
