အီစထြ့လယါပဒိၣ်ဘိးဘၣ်သ့ၣ်ညါလီၤလၢ အပာ်လီၤဝဲဒၣ် တၢ်ပာ်တၢ်ပညိၣ်မုၢ်ကျိၤဝဲၤကွာ်တၢ်တြီတံာ်ဒီး ခီပနံၣ် ယဲၢ်ဖျၢၣ် လၢအတၢ်ဘၣ်ဘျးသးအိၣ်လိၤလိၤဒီးပယီၤသုးပဒိၣ်န့ၣ်လီၤ.
ထံဂုၤကီၢ်ဂၤကိတိာ် Penny Wong စံးဝဲဒၣ် တၢ်ဆၢတဲာ်အံၤ ဘၣ်တၢ်မၤဝဲဒၣ်အီၤ ဒ်အမ့ၢ်တၢ်ခီဆၢကဒါက့ၤပယီၤသုးအတၢ်ဆဲးဆီၣ်တံၢ်မၤနၢၤ ပှၤကီၢ်ပယီၤဖိသ့ၣ်တဖၣ်, မၤဆူၣ်ထီၣ် တၢ်စုဆူၣ်ခီၣ်တကး, ဒီး မၤဟးဂီၤနးထီၣ် ထံရူၢ်ကီၢ်သဲး, ပှၤဂ့ၢ်ဝီအတၢ်လိၣ်ဘၣ်သ့ၣ်တဖၣ် ဒီး တၢ်ဘံၣ်တၢ်ဘၢ ဖဲကီၢ်ပယီၤအပူၤအဃိန့ၣ်လီၤ.
ခီပနံၣ်လၢ အီစထြ့လယါပဒိၣ်ပာ်လီၤ တၢ်တြီတံာ်သ့ၣ်တဖၣ်အကျါ ခံဖျၢၣ်န့ၣ် မ့ၢ်ဝဲဒၣ် မြန်မာ့နိုင်ငံခြားကုန်သွယ်မှုဘဏ် စ့တၢးဒီး မြန်မာ့ရင်းနှီးမြှုပ်နှံမှုနှင့်ကူးသန်းရောင်းဝယ်ရေးဘဏ် စ့တၢး န့ၣ်လီၤ. စ့တၢးသ့ၣ်တဖၣ်အံၤ မ့ၢ်လၢအမၤသကိးတၢ်ဒီး ပယီၤသုးပဒိၣ်အဃိ အဝဲသ့ၣ် ကဘၣ်သဂၢၢ်ဝဲဒၣ် ကျိၣ်စ့တၢ်ဟူးတၢ်ဂဲၤအတၢ်တြီတံာ်န့ၣ်လီၤ.
မ့မ့ၢ်ခီပနံၣ် အဂၤသၢဖျၢၣ်လၢအဘၣ်တၢ်တြီတံာ်န့ၣ် မ့ၢ်ဝဲဒၣ် Asia Sun Group, Asia Sun Trading Co Ltd, ဒီး Cargo Link Petroleum Logistics Co Ltd ခီပနံၣ်န့ၣ်လီၤ. ခီပနံၣ်သ့ၣ်တဖၣ်အံၤ မၤစၢၤဝဲဒၣ်ပယီၤသုးပဒိၣ်လၢအစိာ်နုာ်န့ၢ်ဝဲဒၣ် ကဘီယူၤသိ လၢပယီၤသုးပဒိၣ်အဂီၢ်အဃိန့ၣ် အဝဲသ့ၣ် ကဘၣ်သဂၢၢ်စ့ၢ်ၢီး ကျိၣ်စ့တၢ်ဟူးတၢ်ဂဲၤအတၢ်တြီတံာ်သ့ၣ်တဖၣ်န့ၣ်လီၤ.
တချုးဒ်ဖဲ ပယီၤသုး ဟံးန့ၢ်ဆူၣ်ကွံာ် ထံကီၢ်တၢ်စိတၢ်ကမီၤပှဲၤထီၣ် ၃နံၣ် အနံၣ်ဆဲးဆၢ, လါဖ့ၤဖြူၤအါရံၤ ၁သီ ဒ်ဘၣ်န့ၣ် ပယီၤသုးပဒိၣ်ဘိးဘၣ်သ့ၣ်ညါလီၤဝဲလၢ အဝဲသ့ၣ်ကဆဲးမၤအါထီၣ်ဝဲဒၣ်ဂ့ၢ်ဝီၢ်အူတၢ်ဆၢကတီၢ် ဆူမဲာ်ညါ ဃုလါဒ်အဃိ ဘၣ်ဃးဒီးကီၢ်ပယီၤ ထံရူၢ်ကီၢ်သဲးအတၢ်အိၣ်သး တၢ်ဂုၤထီၣ်ပသီထီၣ်အဂ့ၢ်န့ၣ် ဘီမုၢ်စၢဖှိၣ်ပရၢ ပာ်ဖျါထီၣ်ဝဲဒၣ် အဝဲသ့ၣ် တၢ်သူၣ်ကိၢ်သးဂီၤန့ၣ်လီၤ.
ဖဲ ၂ဝ၂၁ လါဖ့ၤဖြူၤအါရံၤ ၁ သီန့ၣ် ယပီၤသုးဟံးန့ၢ်ဆူၣ်ကွံာ်ထံကီၢ်တၢ်စိတၢ်ကမီၤဒီး ဖီၣ်ဒုးဃာ်ကွံာ် ကမျၢၢ်ဃုထၢ ဒံၣ်မိၣ်ခြ့ၣ်စံၣ်အခိၣ် ဒီၣ်အီၣ်စါစူၣ်ကၠံၤ ဒီးပှၤဂဲၤလိာ်လၢထံရူၢ်ကီၢ်သဲးသ့ၣ်တဖၣ်န့ၣ်လီၤ.
စးထီၣ်ဖဲန့ၣ်လံၤလံၤ ပယီၤသုး ဒီး ကမျၢၢ်ထံဖိကီၢ်ဖိလၢဂဲၤလိာ်လၢ ဒံၣ်မိၣ်ခြ့ၣ်စံၣ်အဂီၢ်သ့ၣ်တဖၣ် အဘၢၣ်စၢၤန့ၣ် တၢ်သဘံၣ်သဘုၣ် သ့ၣ်တဖၣ်အိၣ်ထီၣ်ဝဲန့ၣ်လီၤ.
