တၢ်ဟ့ၣ်နီၤလီၤတၢ်ဂ့ၢ်တၢ်ကျိၤဘၣ်ဃးအီစထြ့လယါသုးအဂ့ၢ်

ဖဲတၢ်ဆၢကတီၢ်လၢအဘူးထီၣ်ဒီး ANZAC Day မုၢ်နံၤအဆၢကတီၢ် ကညီပှၤတဝၢခိၣ်နၢ်လၢအအိၣ်ဖဲ မဲလ်ဘၢဝ့ၢ်တနီၤ ကရၢကရိရဲၣ်ကျဲၤမၤဝဲဒၣ် တၢ်ဟ့ၣ်လီၤဒုးသ့ၣ်ညါ တၢ်ဂ့ၢ်တၢ်ကျိၤလၢအဘၣ်ဃးတၢ်နုာ်လီၤကဲသုးဖဲအီစထြ့လယါကီၢ် သုးမုၢ်ဒိၣ်အပူၤ ဒီး ကညီသးစၢ်ဒီး ကလုာ်ဂၤသးစၢ်သ့ၣ်တဖၣ် ဟဲထီၣ်ဒိကနၣ်ဝဲဒၣ်တၢ်ဟ့ၣ်လီၤဒုးသ့ၣ်ညါတၢ်ဂ့ၢ်တၢ်ကျိၤအံၤန့ၣ်လီၤ.

---

သးစၢ်လၢအဟဲထီၣ်ဒိကနၣ်တၢ်ဂ့ၢ်တၢ်ကျိၤတဘျီအံၤအိၣ်န့ၣ်အဂၤ ၁ဝဘျဲၣ် ဒီး ပှၤလၢအဒိကနၣ်တၢ်ဂ့ၢ်တၢ်ကျိၤအံၤဖဲကမျၢၢ်တၢ်ဆဲးကျိးအီၣ်လဲပျဲၢ်စီၣ် Facebook livestream အပူၤစ့ၢ်ကီးအိၣ်ဝဲဒၣ်တနီၤန့ၣ်လီၤ.

Australian Army Information Session for Youth. Sources: Karuna Compassion in Action Credit: LKPS

လၢတၢ်ရဲၣ်တၢ်ကျဲၤတဘျီအံၤအဂီၢ် ပှၤဟ့ၣ်လီၤတၢ်ကစီၣ်န့ၣ်မ့ၢ်ဝဲဒၣ် ကညီ အီစထြ့လယါ သုးစကီၤ ခၠးမူဝါ နီညိၤ လၢအနုာ်လီၤကဲသုးဖဲအီစထြ့လယါသုးမုၢ်ဒိၣ်အပူၤန့ၢ် အနံၣ် ၁ဝဘျဲၣ်လံန့ၣ်လီၤ.

သုးစကီၤခၠးမူဝါ ဟ့ၣ်လီၤနီၤလီၤဝဲဒၣ် အဝဲအနီၣ်ကစၢ်ဒၣ်ဝဲအတၢ်လဲၤခီဖျိ လၢအစးထီၣ်ဟဲတုၤဖဲအီစထြ့လယါကီၢ်ပူၤ ဒီး အတၢ်နုာ်လီၤဆူအီစထြ့လယါသုးပူၤ အကျိၤအကျဲ တၢ်တာ်တၢ်ဒီး တၢ်ကီတၢ်ခဲ တဆီဘၣ်တဆီ အဂ့ၢ်သ့ၣ်တဖၣ် လၢအပိာ်ထွဲထီၣ်အခံဒီး သးစၢ်သ့ၣ်တဖၣ် အတၢ်သံကွၢ်သံဒိးန့ၣ်လီၤန့ၣ်လီၤ.