ဂံၢ်သဟီၣ်မ့ၣ်အူပှ့ၤသ့ၣ်တဖၣ်ကဟဲဒိၣ်ထီၣ်

ပှၤအီစထြ့လယါဖိသ့ၣ်တဖၣ် မ့ၢ်တူၢ်ဘၣ်ဝဲဒၣ် တၢ်ဆီၣ်သနံး လၢအဘၣ်ဃးဒီး ဟံၣ်ဃီတၢ်အိၣ်တၢ်ဆိး အဘူးအလဲ အလုၢ်အပှ့ၤဒိၣ်လံ ဘၣ်ဆၣ်သနာ်က့ ခဲကနံၣ်အံၤ တၢ်ဆိကမိၣ်ပာ်လၢ အဝဲသ့ၣ်ကဘၣ်ဟ့ၣ် ဂံၢ်သဟီၣ် မ့ၣ်အူပှ့ၤ ဂာ်သဝံပှ့ၤ သ့ၣ်တဖၣ် ကဟဲအါထီၣ်န့ၣ်လီၤ။

Liddell Power Station, a coal-powered thermal power station near Muswellbrook in the Hunter Valley Source: APP

အီစထြ့လယါကီၢ်ပှၤဖီၣ်ဂၢၢ်ပာ်လီၤ ဂံၢ်သဟီၣ် အပှ့ၤတၢ်ဘျၢ မၤအါထီၣ်ဝဲဒၣ် တၢ်ပာ်ပနီၣ် ဂံၢ်သဟီၣ်အပှ့ၤ လၢတဟ့ၣ်တသ့တၢ်ကဘၣ်ဟ့ၣ်အီၤနီၣ်နီၣ် ဖဲကီၢ်စဲၣ်သၢဘ့ၣ်အပူၤန့ၣ်လီၤ။

အီစထြ့လယါပှၤဖီၣ်ဂၢၢ်ပာ်လီၤဂံၢ်သဟီၣ်အပှ့ၤတၢ်ဘျၢ တၢ်ပာ်ပနီၣ်ဂံၢ်သဟီၣ်မ့ၣ်အူအပှ့ၤအံၤအဃိ ကမျၢၢ်ဖဲနယူဆီၣ်သ်ဝံအပူၤသ့ၣ်တဖၣ် ဘၣ်ဟ့ၣ်လီၤမ့ၣ်အူပှ့ၤ ကအါထီၣ်ဝဲဒၣ် ၈မျးကယၤဘျဲၣ်တုၤ ၁၄မျးကယၤအဘၢၣ်စၢၤ ဒီးမ့မ့ၢ်ကမျၢၢ်ဖဲခွံစလဲမုၢ်ထီၣ်ကလံၤထံးတကပၤန့ၣ် ဘၣ်ဟ့ၣ်အါထီၣ်မ့ၣ်အူပှ့ၤ ၁၁မျးကယၤဒီး ဖဲဆီၣ်သ်အီစထြ့လယါအပူၤန့ၣ် ကဘၣ်ဟ့ၣ်အါထီၣ်မ့ၣ်အူပှ့ၤ ၇မျးကယၤန့ၣ်လီၤ။

မ့မ့ၢ်ဝံးထိရံယါပှၤဖီၣ်ဂၢၢ်ပာ်လီၤဂံၢ်သဟီၣ်အပှ့ၤတၢ်ဘျၢန့ၣ် ဘိးဘၣ်သ့ၣ်ညါလီၤတ့ၢ်လံဝဲဒၣ်လၢ မ့ၣ်အူပှ့ၤကအါထီၣ် ၅မျးကယၤန့ၣ်လီၤ။