တၢ်လၢဘီမုၢ်စၢဖှိၣ်ကရၢအတၢ်ဆၢတဲာ်ပာ်လီၤ ဖိသၣ်တဂၤအတၢ်ခွဲးတၢ်ယာ်သ့ၣ်တဖၣ်န့ၣ် မ့ၢ်ဝဲဒၣ် ဟီၣ်ခိၣ်ဒီဘ့ၣ်ပှၤဟီၣ်ခိၣ်ဖိခွဲးယာ်အတၢ်သးလီၤပလိာ်တခါ လၢအဘၣ်တၢ်သ့ၣ်ညါဝဲဒၣ်အီၤဒ်အမ့ၢ် ပှၤဟီၣ်ခိၣ်ဖိခွဲးယာ်တၢ်သးလီၤပလိာ်အလံာ်ဃံးဃာ် လၢအပာ်ဖျါ တၢ်ခွဲးတၢ်ယာ်လီၤတံၢ်လီၤဆဲး အဂ့ၢ်တကွီၣ် လၢဖိသၣ်ဒီး ပှၤသးစၢ်သ့ၣ်တဖၣ် ဃ့ထီၣ်အီၤသ့ဝဲဒၣ်န့ၣ်လီၤ။
ထံကီၢ်လၢအအိၣ်ဖဲဟီၣ်ခိၣ်ဖျၢၣ်အပူၤကိးဘ့ၣ်ဒဲးဃၣ်ဃၣ် လၢအပၣ်ဃုာ် အီစထြ့လယါကီၢ် အၢၣ်လီၤဝဲဒၣ် ဘီမုၢ်စၢဖှိၣ်ကရၢအတၢ်ဆၢတဲာ်ပာ်လီၤ ဘၣ်ဃး ပှၤဟီၣ်ခိၣ်ဖိခွဲးယာ်တၢ်သးလီၤပလိာ်အလံာ်ဃံးဃာ်အံၤ အဝဲသ့ၣ်ကဆီၣ်ထွဲဝဲဒၣ်အီၤန့ၣ်လီၤ။
တနွံအံၤ တၢ်အိၣ်ဆိးဆီလီၤအတၢ်နဲၣ်ကျဲ တၢ်ရဲၣ်တၢ်ကျဲၤန့ၣ် ကရှဲတဲဘၣ်ဃး အီစထြ့လယါကီၢ်ပူၤ ဖိသၣ်အခွဲးအယာ်သ့ၣ်တဖၣ်မ့ၢ်မနုၤလဲၣ်ဒီး အီစထြ့လယါတၢ်ဘျၢသ့ၣ်တဖၣ် ဒီသဒၢဖိသၣ်သ့ၣ်တဖၣ်ဒ်လဲၣ်အဂ့ၢ်န့ၣ်လီၤ။
Share
