အီစထြ့လယါလ့ၣ်ဘၢၣ်ပၣ်တံၣ် မ့ၢ်ပၣ်တံၣ်လၢအသးပှၢ်ကတၢၢ်ဖဲအီစထြ့လယါကီၢ်ပူၤ လၢအမ့ၢ် ဟီၣ်ခိၣ်ဒီဖျၢၣ် ဒံၣ်မိၣ်ခြ့ၣ်စံၣ်သနူလၢ အသးပှၢ်ကတၢၢ်သ့ၣ်တဖၣ်အကျါတခါ လၢအဆဲးအိၣ်မူအိၣ်ဂဲၤဒ်ဝဲဒၣ်ကွ့ၢ်ကွ့ၢ်န့ၣ်လီၤ။
ဖဲဟီၣ်ခိၣ်ဒီဖျၢၣ်အပူၤ လ့ၣ်ဘၢၣ်ပၣ်တံၣ်သ့ၣ်တဖၣ်အကျါန့ၣ် မ့ၢ်ဝဲဒၣ် လ့ၣ်ဘၢၣ်ပၣ်တံၣ် အဆိကတၢၢ်တဖုန့ၣ်လီၤ။ မ့ၢ်ပှၤမၤတၢ်ဖိကရၢ လၢတၢ်ဒုးအိၣ်ထီၣ်အီၤလၢ တၢ်ကူလဲၤမၤကၤ တၢ်ဟူးတၢ်ဂဲၤ တချုးဒ်ဖဲလၢ ကီၢ်စၢဖှိၣ်အိၣ်ထီၣ်ဒ်ဘၣ်န့ၣ်လီၤ။
စးထီၣ်ဖဲန့ၣ် ကရၢအံၤဆီတလဲအသးတဆီဘၣ်တဆီ ဒီး ခဲကနံၣ်အံၤ ဘၣ်ကွၢ်ဆၢၣ်မဲာ်ဒီးတၢ်တာ်တၢ်သ့ၣ်တဖၣ်န့ၣ်လီၤ။ ပှၤဟ့ၣ်တဖၣ်ဖးသ့ၣ်တဖၣ်ထံၣ်အီၤလၢအတမ့ၢ် ပှၤထီဒါတၢ်ကရၢ ယိယိဖိတဖုဘၣ် နီၣ်နီၣ်တခီထံၣ်အီၤလၢ အမ့ၢ်ဒ်သိး ကရၢလၢအကဲပဒိၣ်သ့တဖုန့ၣ်လီၤ။
ဖဲ၁၈၉ဝနံၣ် အခါန့ၣ် ခီဖျိလၢ ဘၣ်ကွၢ်ဆၢၣ်မဲာ်ဒီး မုၢ်ကျိာ်ဝဲၤကွာ် တၢ်ဆီၣ်သနံး တၢ်လီၤသထြုးသ့ၣ်တဖၣ်အဃိ ခွံစလဲကီၢ်စဲၣ် ဆၢတဲာ်လၢအဝဲသ့ၣ်လိၣ်ဘၣ် ထံရူၢ်ကီၢ်သဲး ပၣ်တံၣ်တဖုလၢအကဲခၢၣ်စးလၢအဝဲသ့ၣ်အဂီၢ်န့ၣ်လီၤ။
တုၤလီၤဖဲ ၁၈၉၉နံၣ်န့ၣ် အ့ၤလဲလ်ဖံၤ ဒုးအိၣ်ထီၣ် အပဒိၣ်ဒၣ်ဝဲအဆိကတၢၢ် ဖဲခွံးစလဲအပူၤ ဒီး ဖဲ ၁၉ဝ၁နံၣ်န့ၣ် မၤနၢၤဝဲဒၣ် ထံကီၢ်ဒီဘ့ၣ်ဘျီၣ်ဒိၣ်လီၢ်ဆ့ၣ်နီၤ အဆိကတၢၢ်န့ၣ်လီၤ။
