အီစထြ့လယါကီၢ်ပူၤအံၤ မ့ၢ်လၢ လါနံနါ မူခိၣ်ကလံၤသီၣ်ဂီၤအဃိ တၢ်စူၤဖဲတၢ်ကိၢ်ခါအဆၢ်အတီၢ်န့ၢ် ကဲထီၣ်သးအါန့ၢ်လၢတၢ်တယးပာ်အနီၣ်ထိၣ် လီၤဆီဒၣ်တၢ်ဖဲ မုၢ်ထီၣ်တကပၤန့ၣ်လီၤ။ ပှၤသ့ပှၤဘၣ်စဲၤနီၣ်သ့ၣ်တဖၣ် ဟ့ၣ်ပလီၢ်ဝဲဒၣ် ပှၤလၢအအိၣ်ဘူးဖဲထံလုၢ်ဘၢတၢ်ဟီၣ်ကဝီၤအပူၤသ့ၣ်တဖၣ် လၢကပလီၢ်ပဒီအသးဂ့ၤဂ့ၤန့ၣ်လီၤ။
တၢ်ဂ့ၢ်ခိၣ်သ့ၣ်
- လ့ၤတက့ၤတဘၣ်နီလဲၤသိလ့ၣ်ဖဲတၢ်အမဲာ်ဖံးခိၣ်လၢအထီၣ်ဖီဒီး လီၤထွံသ့ၣ်တဖၣ်အကျါတဂ့ၤ မ့ၢ်လၢထံအယိာ်ထဲ ၁၅စဲးထံၣ်မံးထၢၣ်န့ၣ် စိာ််ကွံာ်သိလ့ၣ်သ့ဝဲဒၣ်အဃိန့ၣ်လီၤ။
- မ့ၢ်လၢ လါနံနါ မူခိၣ်ကလံၤသီၣ်ဂီၤကဲထီၣ်သးအဃိ အီစထြ့လယါကီၢ် ဘၣ်ကွၢ်ဆၢၣ်မဲာ်ထံလုၢ်ဘၢတၢ်ကအါထီၣ်
- လၢတၢ်ဆီၣ်ထွဲမၤစၢၤအဂီၢ် ကိးဘၣ်ကီၢ်စဲၣ်ဂ့ၢ်ဂီၢ်အူဝဲၤကျိၤ (အဲၣ်စ်အံအဲၣ်စ်) ဖဲ ၁၃ ၂၅ ဝဝ တက့ၢ်။ ဖဲသးသမူအိၣ်လၢတၢ်လီၤဘၣ်ယိၣ်အပူၤအခါ ကိးဘၣ် ဝဝဝ တက့ၢ်။
တၢ်ထိၣ်ဒွးမူခိၣ်ကလံၤသီၣ်ဂီၤဝဲၤလီၢ်ခိၣ်သ့ၣ် မ့တမ့ၢ် (ဘံၣ်အိၣ်အဲမ်) အတၢ်ပာ်ဖျါအါမးအပူၤန့ၣ် ဟ့ၣ်ပလီၢ်ဝဲဒၣ်လၢ အါတက့ၢ်ဖဲ နယူဆီၣ်သ်ဝံ မုၢ်ထီၣ်တကပၤဒီး ခွံစလဲ မုၢ်ထီၣ်ကလံၤထံးတကပၤန့ၣ် မ့ၢ်လၢ လါနံနါမူခိၣ်ကလံၤသီၣ်ဂီၤကဲထီၣ်သးအဃိ ဒုးအိၣ်ထီၣ်တၢ်စူၤထံ တလၢကွံာ် တၢ်ထိၣ်ဃူအနီၣ်ထိၣ်န့ၣ်လီၤ။
စးထီၣ်လၢ ၁၉ဝဝန့ၣ် အီစထြ့လယါကီၢ်ပူၤအံၤ လါနံနါ မူခိၣ်ကလံၤသီၣ်ဂီၤကဲထီၣ်အိၣ်ဝဲ ၁၈ဘျီအကျါ ၁၂ဘျီန့ၣ် ဒုးအိၣ်ထီၣ်ထံလုၢ်ဘၢတၢ်ဖဲအီစထြ့လယါကီၢ်တၢ်လီၢ်အါတီၤန့ၣ်လီၤ။
တၢ်ထိၣ်ဒွးမူခိၣ်ကလံၤသီၣ်ဂီၤဝဲလီၢ်ခိၣ်သ့ၣ်စံးဝဲဒၣ် လါနံနါ အခီပညီမ့ၢ်ဝဲ ထံကီၢ်ဒီဘ့ၣ်အပူၤ တၢ်စူၤထံကအါထီၣ် ဒီးကလံၤစိၤတကပၤ မုၢ်ဆါခီတၢ်ကိၢ်သဟီၣ်န့ၣ် ကခုၣ်လီၤဒိၣ်ထီၣ် ဒီး တၢ်ကိၢ်ဟီၣ်ကဝီၤကလံၤမုၢ် ကအိၣ်အါထီၣ်န့ၣ်လီၤ။
Share
