အီစထြ့လယါကီၢ်ပူၤအံၤကအိၣ်ကတဲာ်ကတီၤပာ်သးလၢကလံၤမုၢ်ဒီးထံဒိၣ်ထီၣ်အဂီၢ်ဒ်လဲၣ်

ဖဲအပူၤကွံာ်နံၣ်ဆံဖှိၣ်အတီၢ်ပူၤအံၤ အီစထြ့လယါကီၢ် လဲၤခီဖျိဘၣ်ထံဒိၣ်ထီၣ်လၢအနးဒိၣ်မးလၢအကဲထီၣ်တၢ်စံၣ်စိၤတဲစိၤတခါန့ၣ်လီၤ. ဖဲ၂ဝ၂ဝ — ၂ဝ၂၂ နံၣ်အဘၢၣ်စၢၤ ဟီၣ်ကဝီၤတၢ်လီၢ်ဖးလဲၢ်အါမး ဘၣ်အိၣ်လၢထံအဖီလာ် သၢဘျီတုၤလွံၢ်ဘျီဃၣ်ဃၣ်န့ၣ်လီၤ.

SES personnel help a family leaving their home in Shepparton, Victoria, Sunday, 16 October, 2022. Source: AAP / Diego Fedele

မ့ၢ်လၢမူခိၣ်စူၤထံအါတပယူာ်ဃီ ကဲထီၣ်အသးတလီၢ်လီၢ်အဃိ ထံကျိထံကွာ်သ့ၣ်တဖၣ်အထံအါတလၢလီၤသလၣ်အသး ဒ်အမ့ၢ်ထံလုၢ်ဘၢတၢ်အဃိ ဒုးအိၣ်တၢ်ဘၣ်ဒိဘၣ်ထံးလၢတၢ်သူၣ်ထီၣ်ဆီလီၤဖဲပှၤတဝၢတနီၤနီၤအပူၤ တကးဒ်ဘၣ် ဟံၣ်ဃီသ့ၣ်တဖၣ်ဘၣ်ဒိဘၣ်ထံးဒီး သးသမူတနီၤဘၣ်လီၤမၢ်ကွံာ်န့ၣ်လီၤ.

အဃိန့ၣ် ထံလုၢ်ဘၢတၢ်အံၤကကဲထီၣ်နးနးကလဲာ်န့ၣ် နသ့ၣ်ညါအီၤကသ့ဒ်လဲၣ်ဒီး နကြၢးကတဲာ်ကတီၤပာ်စၢၤတၢ်မနုၤသ့ၣ်တဖၣ်လဲၣ်? နဃ့တၢ်မၤစၢၤလၢမတၤတဂၤအအိၣ်သ့လဲၣ်? ကြၢးလၢနအိၣ်ဧါ မ့တမ့ၢ် ဟးထီၣ်ကွံာ်ဖဲတၢ်လီၢ်အံၤဧါ?

LISTEN TO

ကွၢ်သမံသမိးနတၢ်လီၤဘၣ်ယိၣ်။ ။ တၢ်စူၤအါဖဲတၢ်ကိၢ်ခါအဆၢကတီၢ် ကဘၣ်ကတဲာ်ကတီၤဒီး မၤပူၤဖျဲးသးလၢထံဒိၣ်ထီၣ်အဂီၢ်ဒ်လဲၣ်။

SBS Karen

07:39Karen

LISTEN TO

မူခိၣ်ကလံၤသီၣ်ဂီၤဝဲၤလီၢ်မၤသီထီၣ် La Nina တၢ်ဟ့ၣ်ပလီၢ်လၢတၢ်ကိၢ်ထီၣ်သီဆၢကတီၢ်အဂီၢ်

SBS Karen

04:09Karen