တၢ်တီၣ်ဖျါခိသွဲစရီဆၢကတီၢ်ဘူးထီၣ်လံအဃိ ကသ့ၣ်ညါတၢ်ကူၣ်တရံးမၤန့ၢ်ကျိၣ်စ့အတၢ်မၤသ့ၣ်တဖၣ်ဒ်လဲၣ်?

ပှၤအီစထြ့လယါဖိသ့ၣ်တဖၣ် အတၢ်ဆၢကတီၢ်နုာ်လီၤဆူ တၢ်ဘၣ်တီၣ်ဖျါထီၣ်ကဒါက့ၤခိသွဲစရိလံအဃိ ပှၤသ့ပှၤဘၣ်စဲၤနီၣ်သ့ၣ်တဖၣ် ဟ့ၣ်သဆၣ်ထီၣ်လၢ ကအိၣ်ဒီးတၢ်ပလီၢ်သူၣ်ပလီၢ်သး မ့ၢ်လၢ ပှၤကူၣ်တရံးမၤန့ၢ်ကျိၣ်စ့ — scammer, လၢအသူတၢ်ခွဲးတၢ်ယာ်အံၤ ဒီးပာ်လီၤတၢ်ပညိၣ်ဆူ တၢ်မၤန့ၢ်ပှၤအီစထြ့လယါဖိ နီၣ်ကစၢ်တဂၤအဂ့ၢ်အကျိၤသ့ၣ်တဖၣ် အနီၣ်ဂံၢ်န့ၣ်ဟဲအါထီၣ်အဃိန့ၣ်လီၤ.

---

ဖဲ Commonwealth Bank of Australia တၢ်ဃုထၢပာ်ဖှိၣ်နီၣ်ဂံၢ်စရီအသီတၢ်ပာ်ဖျါအပူၤန့ၣ် စံးဝဲဒၣ်လၢ ပှၤအီစထြ့လယါဖိ ၂၄မျးကယၤန့ၣ် ပှၤကူၣ်တရံးမၤန့ၢ်ကျိၣ်စ့သ့ၣ်တဖၣ် ပာ်လံတၢ်ပညိၣ်လၢအဝဲသ့ၣ်အဖီခိၣ် ဒီး မ့မ့ၢ် ပှၤအီစထြ့လယါဖိ ၃၁ မျးကယၤန့ၣ် အတၢ်ကီတၢ်ခဲအိၣ်လၢ အကသ့ၣ်ညါပာ်ပနီၣ် တၢ်ကူၣ်တရံးမၤန့ၢ်ကျိၣ်စ့ အကလုာ်လီၤဆီလိာ်အသးသ့ၣ်တဖၣ်န့ၣ်လီၤ.