တၢ်ဆၢကတီၢ် အိၣ်လွံၢ်ကတီၢ်— လၢအမ့ၢ် တၢ်ကိၢ်ခါ, တဂိၢ်ထီၣ်သီ, တၢ်ဂိၢ်ခါဒီး တၢ်ကိၢ်ထီၣ်သီ အကတီၢ်သ့ၣ်တဖၣ်န့ၣ် နကသ့ၣ်ညါအီၤ နာ်သက့ ပှၤထူလံၤဖိသ့ၣ်တဖၣ် ပာ်ပနီၣ်အီၤ အိၣ်အါန့ၢ်တၢ်အံၤန့ၣ် မ့ၢ်နသ့ၣ်ညါအီၤစ့ၢ်ကီးဧါ? ဒိးသန့ၤထီၣ်အသးလၢ တၢ်လီၢ်အဖီခိၣ်, ပှၤတထူလံၤဖိကရူၢ်တနီၤနီၤန့ၣ် ထံၣ်ဘၣ်ဝဲလၢ တနံၣ်ဘၣ်တနံၣ်န့ၣ် တၢ်ဆၢကတီၢ်လၢအလီၤဆီလိာ်အသး အိၣ်ဝဲဒၣ် ဃုကတီၢ်န့ၣ်လီၤ.
တၢ်သ့ၣ်ညါနၢ်ပၢၢ်မူခိၣ်ကလံၤသီၣ်ဂီၤဒီး တၢ်ဆၢကတီၢ်သ့ၣ်တဖၣ်န့ၣ် မ့ၢ်ဝဲဒၣ် ပှၤ Aboriginal ဒီး Torres Strait Islander သ့ၣ်တဖၣ် အလုၢ်လၢ်ဆဲးလၤတၢ်သ့ၣ်ညါနၢ်ပၢၢ် ဒိၣ်ဒိၣ်ယိာ်ယိာ်တခါ လၢအအိၣ်တ့ၢ်ပာ် နံၣ်လၢအလးအါမးအခါလံန့ၣ်လီၤ.
တၢ်လၢမူခိၣ်ကလံၤသီၣ်ဂီၤန့ၣ် မ့ၢ်ဝဲတၢ်ထိၣ်ဟူးထိၣ်ဂဲၤ ဆၣ်ဖိကီၢ်ဖိသ့ၣ်တဖၣ်ဒီး တၢ်မုၢ်တၢ်ဘိသ့ၣ်တဖၣ် အတၢ်အိၣ်မူ အိၣ်ဆိး တၢ်အိၣ်ဝးတရံးအသး ဒီး တၢ်သ့ၣ်ညါနၢ်ပၢၢ် တၢ်သ့ၣ်တဖၣ်အံၤ အတၢ်အိၣ်ဘျးစဲလိာ်အသးန့ၣ် မ့ၢ်တၢ်အကါဒိၣ်လၢပှၤကညီသ့ၣ်တဖၣ် ကအိၣ်မူဘၣ်အဂီၢ် — လီၤဆီဒၣ်တၢ်ဖဲအီစထြ့လယါကီၢ်ပူၤ, ဖဲ တၢ်ပျီဖးလဲၢ်ဒီး တၢ်ဆၢကတီၢ်သ့ၣ်တဖၣ် ဆူၣ်ကိၤအါမးအိၣ်အလီၢ်န့ၣ်လီၤ.
Share
