ခီဖျိလၢအဝဲမုာ်သးမၤကလီဒီး မၤစၢၤတၢ်ဖဲပှၤတဝၢပူၤအဃိ အဝဲဒိးန့ၢ်ဘၣ်ဝဲ Eaglehawk Citizen of the Year တၢ်လၤကပီၤခိၣ်ဖးန့ၣ်လီၤ. Eaglehawk မ့ၢ် တၢ်ကဝီၤဒ့ တၢ်လီၢ်တခါလၢအအိၣ်ဖဲ ဘဲၢ်ဒံၢ်ကိၢ်ဝ့ၢ်တၢ်ပၢအပူၤန့ၣ်လီၤ.
နီၣ်ဂ့ၤဖှိၣ်စိ လၣ်မၠ့ၣ် လၢအဘၣ်တၢ်သ့ၣ်ညါအီၤအါလၢ နီၣ်ဂ့ၤဖှိၣ်စိ စံးဝဲဒၣ် တၢ်ဟ့ၣ်လၤကပီၤအံၤအဃိ အဝဲတူၢ်ဘၣ်လၢအသးပူၤပှဲၤလုာ်ကွံာ်ဒီးတၢ်သးခုတၢ်သးမုာ်န့ၣ်လီၤ.
ဖဲအီစထြ့လယါကီၢ်ပူၤအံၤ ကိးနံၣ်ဒဲး ဖဲအီစထြ့လယါကီၢ်မုၢ်နံၤ လါယနူၤအါရံၤ ၂၆ သီအနံၤန့ၣ် လီၢ်ကဝီၤအပတီၢ်မ့ၢ်ဂ့ၤ, ကီၢ်စဲၣ်အပတီၢ်မ့ၢ်ဂ့ၤ, ထံကီၢ်ဒီဘ့ၣ်အပတီၢ်မ့ၢ်ဂ့ၤ ဟ့ၣ်လီၤဝဲဒၣ် တၢ်ဟ့ၣ်လၤကပီၤခိၣ်ဖးဆူ ထံဖိကီၢ်ဖိ လၢအဟ့ၣ်လီၤသးလၢပှၤတဝၢတၢ်ဖံးတၢ်မၤအဂီၢ်သ့ၣ်တဖၣ်န့ၣ်လီၤ.
ဖဲတနံၣ်အံၤ ၂ဝ၂၄နံၣ် ပှၤလၢအဒိးန့ၢ်ဘၣ်တၢ်လၤကပီၤသ့ၣ်တဖၣ်န့ၣ် မ့ၢ်ဝဲပှၤလၢအမၤတၢ်လၢ နီၣ်သးဆူၣ်ချ့တၢ်ဖံးတၢ်မၤသ့ၣ်တဖၣ်, ဂ့ၢ်ဝီၢ်အူဝဲၤကျိၤတၢ်ဖံးတၢ်မၤသ့ၣ်တဖၣ်, ပၢၤကီၢ်ဒီး ကမျၢၢ်ပှၤသ့ပှၤဘၣ်လၢစဲးဖီကဟၣ်ဂ့ၢ်ဝီ သ့ၣ်တဖၣ်န့ၣ်လီၤ.
ပှၤအီစထြ့လယါထံဖိကီၢ်ဖိ တဂၤဂ့ၤတဂၤဂ့ၤ ပှၤလၢအဝဲသ့ၣ်ပာ်ဒိၣ်ပာ်ကဲ, ယူၤယီၣ်ပာ်ကဲအီၤသ့ၣ်တဖၣ်န့ၣ် အဝဲသ့ၣ်သြီနုာ်လီၤအမံၤစရီအဂ့ၢ်အကျိၤဖဲ Order of Australia's honours and awards ဝဲၤကျိၤအပူၤ သ့ဝဲဒၣ်န့ၣ်လီၤ.
ဖဲတနံၣ်အံၤ အီစထြ့လယါကီၢ်အမုၢ်နံၤန့ၣ် ထံကီၢ်ဒီဘ့ၣ်အပူၤ ပှၤဒိးန့ၢ်ဘၣ်တၢ်လၤကပီၤခိၣ်ဖးခဲလၢာ်အိၣ်ဝဲဒၣ် ၁,ဝ၄၂ ဂၤန့ၣ်လီၤ.
ပှၤဒိးန့ၢ်ဘၣ်တၢ်လၤကပီၤခိၣ်ဖး ၅ဝ.၅မျးကယၤန့ၣ်မ့ၢ်ဝဲ ပှၤပိာ်မုၣ်သ့ၣ်တဖၣ်န့ၣ်လီၤ.
နီၣ်ဂ့ၤဖှိၣ်စိမ့ၢ်ကညီဘၣ်ကီဘၣ်ခဲလီၢ်လံၤဟဲန့ၢ်လၢ နီၣ်ဖိ ဘၣ်ကီဘၣ်ခဲဒဲကဝီၤဒီး အဝဲအဟံၣ်ဖိဃီဖိဟဲတုၤအိၣ်ဆိးဖဲအီစထြ့ခယါကီၢ် ဘဲၢ်ဒံၢ်ကိၢ်ဝ့ၢ် ဖဲ ၂ဝဝ၈ နံၣ်အခါန့ၣ်လီၤ.
အဝဲဖၠိထီၣ်တီၤဖုၣ်ကၠိဖဲပဒိၣ်ကၠိ Weeroona College Bendigo ဒီး ဖျိထီၣ်ဝဲဒၣ်တီၤထီကၠိဖဲ Bendigo Senior Secondary Collage န့ၣ်လီၤ. မ့မ့ၢ်ဖၠၣ်စိမိၤကၠိန့ၣ် အဝဲမၤလိတ့ၢ်တၢ်ဖဲ La Trobe ဖၠၣ်စိမိၤ ဘဲၢ်ဒံၢ်ကိၢ်ဝဲၤဒ့ ဒီးဖၠိထီၣ်ဝဲဒၣ် Bachelor of Pharmacy ဖဲ ၂ဝ၁၉နံၣ်အခါန့ၣ်လီၤ.
