ကညီဘၣ်ကီဘၣ်ခဲလီၢ်လံၤဒီး Comfort CommServ ပှၤပၢဆှၢတၢ်အခိၣ်ဒိၣ် မိန့သွဲၤ ဟ့ၣ်နီၤလီၤအတၢ်လဲၤခီဖျိ

တချုးဖဲ၂ဝဝ၇နံၣ် အဝဲအဟံၣ်ဖိဃီဖိဟဲသုးလီၢ်အိၣ်ဆိးဖဲကီၢ်အီစထြ့လယါဒ်ဘၣ်အခါန့ၣ် နါမိန့သွဲၤ ပှၤပၢဆှၢတၢ်အခိၣ်ဒိၣ်ဖဲ Comfort Care and Community Services မ့ၢ်ပှၤလၢအအိၣ်တ့ၢ်ဖဲမဲၢ်လးပှၤဘၣ်ကီဘၣ်ခဲဒဲကဝီၤ စးထီၣ်ဖဲ၁၉၉၄ နံၣ် ဖဲအဝဲအသးနံၣ်အိၣ် ၁၅နံၣ်အခါန့ၣ်လီၤ.

Moe Hnin Thwe, Director of Comfort Care and Community Services. Source: SBS KAREN

မိန့ လၢအမ့ၢ်စ့ၢ်ကီး မိၢ်တဂၤ လၢအအိၣ်ဒီးအဖိလွံၢ်ဂၤအံၤ ဖဲအဝဲဟဲတုၤသီဖဲအီစထြ့လယါကီၢ်အခါ ကျိာ်ဒီး လုၢ်လၢ်တၢ်ဆဲးတၢ်လၤ တၢ်တြီတံာ်တာ် ဒီးတၢ်တာ်တၢ်သ့ၣ်တဖၣ်မ့ၢ်အိၣ်နာ်သက့ ခဲကနံၣ်အံၤ အဝဲအိၣ်ဒီးအနီၣ်ကစၢ်ပနံးတၢ်ဖံးတၢ်မၤ လၢအဘၣ်ဃး တၢ်မၤစၢၤ ပှၤကွၢ်ထွဲ ပှၤသူၣ်က့သးပှၢ်, ပှၤလၢအအိၣ်ဒီး နီၣ်ခိတၢ်လီၤတူာ်လီၤကာ် ဒီးပှၤလၢအလိၣ်ဘၣ်တၢ်မၤစၢၤလီၤဆီသ့ၣ်တဖၣ်အဂီၢ်န့ၣ်လီၤ.

အဃိန့ၣ် မိန့ အတၢ်ဟဲကျဲဆူအီစထြ့လယါကီၢ်ပူၤ ဒီး သူၣ်ထီၣ်အတၢ်အိၣ်မူ တၢ်ဖံးတၢ်မၤတဆီဘၣ်တဆီအဂ့ၢ်အကျိၤသ့ၣ်တဖၣ်ဒ်လဲၣ်န့ၣ် ပသံကွၢ်သံဒိးဝဲဒၣ်အီၤန့ၣ်လီၤ.