သရၣ်မုၣ်စ့ထူအဲၣ်မိရိၤလၢအမ့ၢ် Settlement Support Worker ဖဲ WCEC လဲၤထီၣ်မၤန့ၢ်ဝဲဒၣ်တၢ်လၤကပီၤအံၤ ဖဲလါဒံၤစဲဘၢၣ် ၈သီအနၤ တၢ်မၤဝဲဒၣ် Gala Dinner အဆၢကတီၢ်န့ၣ်လီၤ. တၢ်လၤကပီၤဘၣ်တၢ်ဟ့ၣ်အီၤလၢ Committee for Wyndham — ဝ့ဒၢမ် ကမံးတံးကရူၢ်န့ၣ်လီၤ.
Sources: Wyndham Community and Education Centre - WCEC
တၢ်ပာ်ပနီၣ်အဝဲတၢ်ဟ့ၣ်လီၤသးဒီး တၢ်ဟ့ၣ်လၤကပီၤအီၤဒ်အံၤအဃိ သရၣ်မုၣ်စ့ထူအဲၣ်မိရိၤ လၢအဘၣ်တၢ်သ့ၣ်ညါအီၤလၢ သရၣ်မုၣ်စ့ထူ မ့တမ့ၢ် နီဒါ စံးလၢအဝဲပာ်ကဖၢလၢအသးလၢကညီကလုာ်အဂီၢ်ဒိၣ်မးန့ၣ်လီၤ.
သရၣ်မုၣ်စ့ထူဖံးတၢ်မၤတၢ်ဖဲ ဝ့ဒၢမ်ပှၤတဝၢဒီးတၢ်ကူၣ်ဘၣ်ကူၣ်သ့အလီၢ်အံၤ အိၣ်ဝဲဒၣ်အနံၣ် ၁ဝဘျဲၣ်လံန့ၣ်လီၤ. John Nicol Community Service Award တၢ်လၤကပီၤအံၤမ့ၢ်ဝဲဒၣ် တၢ်လၤကပီၤ ၃ခါတခါလၢ သရၣ်မုၣ်စ့ထူဒိးန့ၢ်ဘၣ်အီၤန့ၣ်လီၤ.
အဝဲဒိးန့ၢ်ဘၣ်တၢ်လၤကပီၤအဆိကတၢၢ်တခါန့ၣ်မ့ၢ်ဝဲဒၣ်ဖဲ ၂ဝ၁၂နံၣ် မ့ၢ်ဝဲဒၣ် (လ့လၢၤ) Lalor Award ဒီးတၢ်လၤကပီၤလၢအဝဲဒိးန့ၢ်ဘၣ်န့ၣ်ဘၣ်တၢ်ကိးအီၤလၢ “Above and Beyond” တၢ်လၤကပီၤန့ၣ်လီၤ. ဝ့ဒၢမ်ဒ်အမ့ၢ် ကိတိၤခိၣ်ကျၢၢ်လီၢ်လံၤ ကၠူလယၢၢ် က့လ်လး အတၢ်ဟ့ၣ်တၢ်ဖးဟီၣ်ကဝီၤအသိး ဖဲန့ၣ်အခါ တၢ်လၤကပီၤလၢအဝဲဒိးန့ၢ်ဘၣ်အီၤအံၤ ဘၣ်တၢ်ဟ့ၣ်အီၤလၢ ကၠူလယၢၢ် က့လ်လးန့ၣ်လီၤ. ခိၣ်ဖးအံၤမ့ၢ်ဝဲဒၣ်ဟီၣ်ကဝီၤအပတီၢ် တၢ်ဟ့ၣ်တၢ်လၤကပီၤန့ၣ်လီၤ.
တၢ်လၤကပီၤ ခံခါတခါလၢအဝဲဒိးန့ၢ်ဘၣ်အီၤန့ၣ်မ့ၢ်ဝဲ တၢ်အိၣ်ဆိးဆီလီၤအခိၣ်ဖးတၢ်လၤကပီၤ Australian Migration and Settlement Award လၢအမ့ၢ် ထံကီၢ်ဒီဘ့ၣ်အပတီၢ်တၢ်ဟ့ၣ်လၤကပီၤဒီး အဝဲလဲၤဟံးန့ၢ်အီၤဖဲဝ့ၢ်ခိၣ်ခဲဘါရါ ဘျီၣ်ဒိၣ်အပူၤ လၢအဘၣ်တၢ်ဟ့ၣ်လီၤအီၤလၢ ဖဲန့ၣ်အခါ ကိတိာ်ခိၣ်ကျၢၢ် ကၠူလယၢၢ် က့လ်လး စ့ၢ်ကီးန့ၣ်လီၤ.
လၢအဝဲတၢ်ဖံးတၢ်မၤအပူၤ တၢ်ကီတၢ်ခဲ တၢ်တာ်တၢ်မ့ၢ်အိၣ်နာ်သက့ သရၣ်မုၣ်စ့ထူစံးလၢ ခီဖျိလၢအပှၤမၤသကိးတၢ်သ့ၣ်တဖၣ်အဆီၣ်ထွဲမၤစၢၤ, ဟံၣ်ဖိဃီဖိအတၢ်ဆီၣ်ထွဲမၤစၢၤဒီး တၢ်ဆိၣ်ဂ့ၤလၢအဂီၢ်အဃိ တဘျီတခီၣ်တၢ်သူၣ်လီၤဘှံးသးလီၤတီၤမ့ၢ်အိၣ်ဘၣ်ဆၣ် အဝဲလဲၤခီဖျိအီၤန့ၢ်ဝဲဒၣ်န့ၣ်လီၤ.
သရၣ်မုၣ်စ့ထူအဲၣ်မိရိၤဒီး အဝၤ ဒိသကိးတၢ်ဂီၤဒီး Deputy Mayor Councillor Jennie Barrera Sources: Mark Kunoo
