ထိၣ်ဆီတိးကွ့တၢ်ဆါဘၣ်ကူဘၣ်ဂာ်ကျီၢ်အဃိ ကဲထီၣ်တၢ်လီၤဘၣ်ယိၣ်လၢပှၤကညီအဂီၢ်သ့ဒ်လဲၣ်?

ထိၣ်ဆီတိးကွ့ တၢ်ဆါ H-5-N-1 အကလုာ်လၢအအိၣ်ရၤလီၤအသးခဲကနံၣ်အံၤ မ့ၢ်အတၢ်လီၤဘၣ်ယိၣ်လၢပှၤကညီအဂီၢ်အိၣ်ဒ်လဲၣ်န့ၣ် ပှၤစဲအ့ၣ်ဖိသကုၤဟီၣ်ခိၣ်ဒီဘ့ၣ်သ့ၣ်တဖၣ် ပြၢလိာ်အသးလၢ အကမၤတၢ်ဆၢတဲာ်အဂီၢ်န့ၣ်လီၤ.

---

ထိၣ်ဆီတိးကွ့တၢ်ဆါအံၤ အခဲအံၤန့ၣ်ဖဲအီစထြ့လယါကီၢ်ပူၤ တၢ်မ့ၢ်တထံၣ်ဘၣ်အီၤဒ်ဘၣ်နာ်သ့ ပှၤသ့ပှၤဘၣ်စဲၤနီၣ်သ့ၣ်တဖၣ်ဟ့ၣ်ဒုးပလီၢ်ဝဲဒၣ်လၢ တၢ်ဆါဃၢ်အံၤ အကဟဲတုၤဃီၤန့ၣ် တၢ်ဟးဆှဲးအီၤတသ့ဘၣ်ဒီး ကဘၣ်အိၣ်ကတဲာ်ကတီၤပာ်စၢၤသးနီၣ်နီၣ်န့ၣ်လီၤ.