တၢ်သ့ၣ်ညါနၢ်ပၢၢ် အီစထြ့လယါကီၢ်ပူၤ ကသံၣ်ကျးသ့ၣ်တဖၣ်ဖံးမၤဝးတရံးအဂ့ၢ်

ဖဲအီစထြ့လယါကီၢ်ပူၤအံၤ ပှၤဖီၣ်ကသံၣ်ကသီသ့ၣ်တဖၣ် ထုးထီၣ်ဟ့ၣ်လီၤဝဲဒၣ် ကသံၣ်ကသီလၢအအိၣ်ဒီးတနဲၣ်လီၤသ့ၣ်တဖၣ်ဒီး ဆူၣ်ချ့တၢ်ဟ့ၣ်ကူၣ်ဟ့ၣ်ဖးသ့ၣ်တဖၣ်, ဟ့ၣ်တၢ်သ့ၣ်ညါနၢ်ပၢၢ်ပှၤတဝၢလၢအဘၣ်ဃးကသံၣ်ကသီတၢ်ပူၤဖျဲးဒီး တၢ်ဒီသဒၢတၢ်ဆါဃၢ်အဂ့ၢ်အကျိၤသ့ၣ်တဖၣ်န့ၣ်လီၤ.

နအိၣ်မ့ၢ်တဆူၣ်ဘၣ်န့ၣ် နကသံၣ်သရၣ်ကထုးထီၣ်ဟ့ၣ်လီၤနၤကသံၣ်လံာ်လၢနကဘၣ်အိအီၤ, ဒီး ဆူမဲာ်ညါတပတီၢ်န့ၣ်မ့ၢ်ဝဲဒၣ် နကဘၣ်လဲၤဆူ နလီၢ်ကဝီၤတၢ်ဆါကသံၣ်ကျး ဒီးဒုးနဲၣ်နကသံၣ်လံာ်အံၤ လၢတၢ်ကမၤပှဲၤထုးထီၣ်ဟ့ၣ်လီၤနၤကသံၣ်အဂီၢ်န့ၣ်လီၤ.

---