ဝံးထိရံယါကသံၣ်သရၣ်သ့ၣ်တဖၣ်ဟ့ၣ်ဂံၢ်ဟ့ၣ်ဘါ ကမျၢၢ်လၢကထီတၢ်ကးဘၢကိာ်ပူၤဒီးနါဒ့ (နီၣ်ကျၢၢ်ဘၢမဲာ်)

အီစထြ့လယါကသံၣ်ကသီကရၢ ဝံးထိရံယါ ဝဲၤဒ့ ဃ့ထီၣ်ဝဲဒၣ်လၢ ကမျၢၢ်သ့ၣ်တဖၣ် ကထီ တၢ်ကးဘၢကိာ်ပူၤဒီးနါဒ့ (နီၣ်ကျၢၢ်ဘၢမဲာ်) မ့ၢ်လၢ ဆူၣ်ချ့ဝဲၤကျိၤသ့ၣ်တဖၣ် ဘၣ်ထဲးဂံၢ်ထဲးဘါသပှၢ်ပှၢ်လၢ တၢ်ကွၢ်ထွဲပှၤဆူးပှၤဆါအဂီၢ်န့ၣ်လီၤ။

---

အ့ၣ်အဲၣ်အ့ၣ် ဆူၣ်ချ့ကရၢစံးဝဲဒၣ် တၢ်ထီတၢ်ကးဘၢကိာ်ပူၤဒီးနါဒ့ (နီၣ်ကျၢၢ်ဘၢမဲာ်) န့ၣ် မ့ၢ်တၢ်ယိယိဖိတခါ လၢဒီသဒၢနၤဒီး ပှၤအဂုၤအဂၤသ့ၣ်တဖၣ် ဒ်သိးအသုတဘၣ်ကူဘၣ်ဂာ် ခိဘံးတၢ်ဆါ ဒီး တၢ်ဘၣ်သမုၣ်တၢ်ဆါသ့ၣ်တဖၣ်အဂီၢ်န့ၣ်လီၤ။ ခဲကနံၣ်အံၤ ပှၤဘၣ်တၢ်ဆါ အနီၣ်ဂံၢ်သ့ၣ်တဖၣ် ဟဲအါထီၣ်ကွ့ၢ်ကွ့ၢ်န့ၣ်လီၤ။

ခဲကနံၣ်အံၤ တုၤလီၤကဒါဆူ တၢ်ဆၢကတီၢ်လၢ ပှၤဘၣ် တၢ်ဘၣ်သမုၣ်တၢ်ဆါအါထီၣ်အဃိ ပှၤဘၣ်ခိဘံးတၢ်ဆါဒီး တၢ်ဘၣ်သမုၣ်တၢ်ဆါခံခါ ပာ်ဖှိၣ်ဃုာ်အသးအံၤ ဆူၣ်ချ့ဝဲၤကျိၤအဂံၢ်အဘါလၢ ဘၣ်ကွၢ်ထွဲပှၤဆါအဂီၢ်န့ၣ် ပှဲၤတလၢကွံာ်ဝဲဒၣ်အခၢးလံန့ၣ်လီၤ။