ခဲကနံၣ်အံၤ အီစထြ့လယါကီၢ်ပူၤ ယပၣ်ခိၣ်နူးညိးတၢ်ဆါကဲထီၣ်သးအဃိ ပှၤသံလၢတၢ်ဆါအံၤ အိၣ်ဝဲစှၤကိးဂၤလံန့ၣ်လီၤ။
အပူၤကွံာ်တနွံန့ၣ် ပဒိၣ်ဘိးဘၣ်သ့ၣ်ညါလီၤလၢ ကသူဝဲဒၣ်ကျိၣ်စ့ဘူးထီၣ်လၢဒီလၣ် ၆၉ အကကွဲၢ် လၢအကဒုးထီဒါ တၢ်ဆါအံၤအဂီၢ်န့ၣ်လီၤ။
ဖဲပဒိၣ်ဆူၣ်ချ့ဝဲၤကျိၤတၢ်ပာ်ဖျါတုၤလီၤဖဲလါမးရှး ၂၂သီ အတီၢ်ပူၤန့ၣ် အီစထြ့လယါကီၢ်ဒီဘ့ၣ်အပူၤပှၤဘၣ်ယပၣ်ခိၣ်နူးညီးတၢ်ဆါအံၤ အိၣ်ဝဲဒၣ် ၃၂ဂၤန့ၣ်လီၤ။ ဖဲနယူဆီၣ်သ်ဝံကီၢ်စဲၣ်အပူၤ ပှၤဘၣ်တၢ်ဆါအံၤအိၣ်ဝဲဒၣ် ၈ဂၤ ဝံးထိရံယါကီၢ်စဲၣ်အပူၤန့ၣ်အိၣ်ဝဲဒၣ် ၇ဂၤ ခွံစလဲကီၢ်စဲၣ်အပူၤန့ၣ်အိၣ်ဝဲဒၣ် ၂ဂၤဒီး ဖဲဆီၣ်သ်အီစထြ့အပူၤန့ၣ်ပှၤဘၣ်တၢ်ဆါအံၤအိၣ်ဝဲဒၣ် ၃ဂၤန့ၣ်လီၤ။
မ့မ့ၢ်ပှၤသံလၢတၢ်ဆါအံၤန့ၣ် အိၣ်ဝဲဒၣ် ၃ဂၤဒီး ပှၤသံအကျါ ၂ဂၤန့ၣ် မ့ၢ်ဝဲဒၣ်ဖဲနယူဆီၣ်သ်ဝံဒီး အဂၤတဂၤန့ၣ်မ့ၢ်ဝဲဒၣ်ဖဲ ဝံးထိရံယါအပူၤန့ၣ်လီၤ။
Share
