တၢ်ကလုၢ်: https://www.sbs.com.au/language/karen/kar/collection/podcast/0ms9u5vjn
အမိၢ်လဲၤပူၤကွံာ်အီၤဖဲလၢအဘၣ်နုၢ်ခဲစၢၣ်တၢ်ဆါခံနံၣ်ဝံၤအလီၢ်ခံန့ၣ်လီၤ.
နံဟါ ခူမး တဲပၠးက့ၤအမိကိးအီၤလီတဲစိအဂ့ၢ်ဒ်အံၤ, “ယမိအလီတၢ်စိတၢ်ကိးယၤအံၤယသးပ့ၤနီၣ်အီၤတသ့နီဘျီဘၣ်, ဖဲန့ၣ်အခါဘၣ်လၢအအိၣ်ဖဲတၢ်အီၣ်လုၢ်ထံလီၢ်ဒၢးပူၤဒီးအတဲဘၣ်ယၤလၢ, ယသးနါပှၢ်လိၤန့ၣ်တၢ်ဖှီအိၣ်ပဲဖိဒီး တနံၤအံၤဖဲယဆှိလီၤယသးအခါအသွံၣ်စးထီၣ်ဟဲလီၤ.“
“အကသူအတၢ်ကတိၤလၢ အဝဲဘၣ်နုၢ်ခဲစၢၣ်တၢ်ဆါလီၤန့ၣ်, အတဲယၤတထီၣ်ဘးဘၣ်.”
အဝဲစံးဝဲဒၣ်အမိၢ် ရံနူ တပာ်သူၣ်ပာ်သးဒီးအဝဲတၢ်ဆါအတၢ်ပနီၣ်သ့ၣ်တဖၣ်ဘၣ်အဃိ ကဲထီၣ်က့ၤဝဲတၢ်လၢအစဲၤခံန့ၣ်လီၤ.
လီၤဆီဒၣ်တၢ်န့ၣ် မ့ၢ်ဝဲဒၣ်ဖဲအ့ရှါကလံၤထံးအပှၤတဝၢသ့ၣ်တဖၣ်အပူၤ, ပတတဲဘၣ်ဃးပနီၣ်ခိအဂ့ၢ်နီတဘျီဘၣ်, လီၤဆီဒၣ်တၢ် ပနီၣ်ကစၢ်က့ၢ်ဂီၤခူသူၣ်အဂ့ၢ်န့ၣ် ပတတဲအီၤနီတဘျီဘၣ်.
“အနီၣ်ခိအလိၤတၢ်ဟဲကဲထီၣ်သးအိၣ်တခါခါန့ၣ်အတတဲဝဲနီတဘျီဘၣ်. အအိၣ်ဒီးတဖှီဖိတပဲန့ၣ်တတဲဝဲနီတဘျီဘၣ်. အအိၣ်ဒီးတၢ်အချံကိၣ်လိၣ်နာ်သက့တတဲဝဲနီတဘျီဘၣ်. ယမ့ၢ်ဘၣ်တဲတီတီန့ၣ်, အနုၢ်အိၣ်ဒီးအချံသ့ၣ်တဖၣ်အဃိ အကဘၣ် စကဲ(န်) မၤကွၢ်အသးန့ၣ် ယဆိကမိၣ်ပှၤတတဲလိဘၣ်အီၤနီတဘျီဘၣ်.”
ဘၣ်ဃးဒီး နုၢ်ဒီးဒၢလီၢ်ခိၣ်ထိး တၢ်မၤကွၢ် ခဲစၢၣ်တၢ်ဆါအဂ့ၢ်န့ၣ် လုၢ်လၢ်ဆဲးလၤတၢ်မဲာ်ဆှးအဃိတကးဘၣ်, ကျိာ်တၢ်တြီတံာ်တာ် ဒီး တၢ်သူၣ်ပျံၤသးပျံၤစ့ၢ်ကီးပၣ်ဃုာ်ဝဲန့ၣ်လီၤ.
ကသံၣ်သရၣ်ထီရီၤ ဒီကထၢၣ် မးရံယါ ခၠါအးလး(န်) နာ်ဝဲဒၣ်လၢ တၢ်ပာ်ဖျါတၢ်ဂ့ၢ်တၢ်ကျိၤရှဲရှဲပျီပျီန့ၣ်မ့ၢ်ဝဲနီၣ်ဝံာ်ခံတခါလၢ ကဟ့ၣ်ဂံၢ်ဟ့ၣ်ဘါ လုၢ်လၢ်ဆဲးလၤဒီးကျိာ်လီၤဆီလိာ်အသးအါကလုာ် အပှၤတဝၢ ပိာ်မုၣ်သ့ၣ်တဖၣ် ကနုာ်လီၤပၣ်ဃုာ်ဘျးစဲဖဲတၢ်ဒီသဒၢဆိတၢ်အံးထွဲကွၢ်ထွဲအပူၤန့ၣ်လီၤ.
“တၢ်အံၤအတမ့ၢ်ထဲလၢနတဲဘၣ်ပှၤကညီသ့ၣ်တဖၣ်လၢ လဲၤဒီးမၤကွၢ်သုသးဘၣ်, မ့ၢ်တၢ်လၢအဘၣ်ဃးဒီး တၢ်တၢၣ်ပီၣ်တဲသကိးအီၤလၢတၢ်ကဘၣ်မၤအီၤမူးမူးနီၣ်နီၣ်တခါ, ဒုးအိၣ်ထီၣ်တၢ်လီၢ်လၢတၢ်သူၣ်ထီၣ်တၢ်နာ်သ့, ဟ့ၣ်လီၤတၢ်ဃုထၢလၢတၢ်မၤအီၤသ့နီၣ်ကီၢ်သ့ၣ်တဖၣ်, အဒိဒ်သိးတၢ်လဲၤထံၣ်လိာ်ဒီး ကသံၣ်သရၣ်လၢအပိာ်မုၣ် မ့တမ့ၢ် အိၣ်ဒီးပှၤကျိးထံတၢ်လၢအမ့ၢ်ပှၤပိာ်မုၣ် မ့တမ့ၢ် နီၣ်ကစၢ်ဒၣ်ဝဲမၤကွၢ်အီၤသ့, တၢ်ဒ်သိးအံၤသ့ၣ်တဖၣ်န့ၣ်လီၤ.
တၢ်အံၤအတမ့ၢ် ကသံၣ်ကသီအတၢ်မၤကွၢ်အဂၤတခါအဂီၢ်ဘၣ်, မ့ၢ်တၢ်ခွဲးတၢ်ယာ်တခါလၢ ကဒီသဒၢခဲစၢၣ်တၢ်ဆါအဂီၢ် ဒီးပှၤကိးဂၤဒဲး, အဟဲတၢ်လီၢ်ဖဲလဲၣ်ဂ့ၤဖဲလဲၣ်ဂ့ၤန့ၣ် အလီၢ်အိၣ်လၢ ကဘၣ်န့ၢ်ဘၣ်ဝဲ တၢ်ခွဲးတၢ်ယာ်အံၤန့ၣ်လီၤ.
ဖဲ SBS Examines တၢ်ပာ်ဖျါအံၤအပူၤ ပသံကွၢ်ဘၣ်ဃး တၢ်မၤကွၢ်ခဲစၢၣ်တၢ်ဆါ လၢကလုာ်ဒူၣ်ဆဲးလၤအါကလုာ်အပှၤတဝၢပိာ်မုၣ်သ့ၣ်တဖၣ်အဂီၢ် တၢ်မဲာ်ဆှးသ့ၣ်တဖၣ် သုတအိၣ်လၢၤတဂ့ၤန့ၣ် ပလိၣ်ဘၣ်မၤတၢ်မနုၤသ့ၣ်တဖၣ်လဲၣ်အဂ့ၢ်န့ၣ်လီၤ.
