ပှၤဃိထံသ့ၣ်ညါတၢ်ဖိသ့ၣ်တဖၣ် ခဲကနံၣ်အံၤ ဃုထံၣ်န့ၢ်ဝဲဒၣ်ကျိၤကျဲအသီတဘိ လၢတၢ်ကူစါယါဘျါ ပှံာ်ကဖုခဲစၢၣ်တၢ်ဆါအဂီၢ် ဒီး တၢ်ဃုထံၣ်အံၤမ့ၢ်တၢ်အဆိကတၢၢ်တဘျီလၢဟီၣ်ခိၣ်ဘ့ၣ်အပူၤန့ၣ်လီၤ.
တၢ်လၢခဲစၢၣ်တၢ်ဆါန့ၣ် ဖဲအီစထြ့လယါကီၢ်ပူၤအံၤ မ့ၢ်တၢ်ဆါတမံၤ လၢအမၤသံတၢ်အအါကတၢၢ် ခံကလုာ်တကလုာ်န့ၣ်လီၤ.
ကျိၤကျဲသီလၢတၢ်ဃုထံၣ်န့ၢ်အီၤခဲကနံၣ်အံၤန့ၣ် အိၣ်ဒီးတၢ်မုၢ်လၢ်အဒိၣ်အအါလၢ တၢ်ကူစါယါဘျါတၢ်ဆါအံၤ ကအိၣ်ဒီးတၢ်တုၤထီၣ်ထီၣ်ဘးဂ့ၤဂ့ၤန့ၣ်လီၤ.
ပှၤဃိထံသ့ၣ်ညါတၢ်သ့ၣ်တဖၣ်အံၤစံးဝဲဒၣ် ကျိၤကျဲသီအံၤ ကမၤစၢၤဝဲဒၣ် တၢ်မၤတၢ်ဆၢတဲာ်လၢ ကကူစါယါဘျါပှံာ်ကဖုခဲစၢၣ်တၢ်ဆါအဂီၢ် ကဘၣ်မၤတၢ်အဂ့ၤကတၢၢ်ဒ်လဲၣ်အဂ့ၢ်န့ၣ်လီၤ.
Share
