गत २४ घण्टामा न्यु साउथ वेल्समा राज्यमा १८ जनामा सङ्क्रमण भेटिएसँगै नयाँ वर्षको जमघट ५ जनामा सीमित हुने भएको छ ।
उक्त अवधिमा १७ हजार मानिसमा कोरोना परीक्षण भएकोमा १८ जनामा कोरोना पुष्टि भएको हो ।
नयाँ सङ्क्रमित मध्ये ९ जना एभलोनको पछिल्लो सङ्क्रमण सँग जोडिएका छन् भने ६ जना चाही सहरको पश्चिमी क्षेत्र क्रोयडनमा देखिएको सङ्क्रमण सँग सम्बन्धित रहेको बताइएको छ ।
“भेटिएका छ जना एकै परिवारका सदस्यहरू हुन्, विस्तारित परिवारका सदस्यहरू भएकाले यो सँग सम्बन्धित अन्य सङ्क्रमण पनि बाहिर आउने सम्भावना छ ।” प्रिमीयर ग्लेडिज बेरीजेक्लियनले भनिन् ।
यो पनि पढ्नुहोस ।
क्रोएसियामा आएको शक्तिशाली भूकम्पमा ७ को मृत्यु, दर्जनौँ घाइते
“क्रोयडनको सङ्क्रमण नदर्न बिचेसको प्रकोप सँग तत्काल सम्बन्ध देखिएको छैन ।” उनले भनिन् ।
भेटिएका अन्य तिन सङ्क्रमणका बारेमा भने अनुसन्धान जारी रहेको प्रिमीयरले बताइन् ।
नयाँ सङ्क्रमित भेटिएसँगै नयाँ वर्षको पूर्व सन्ध्यामा प्रतिबन्धहरू हेरफेर गरिएका छन् । जहाँ ग्रेटर सिड्नी क्षेत्रमा अब देखि पारिवारिक भेटघाट पाँच जनामा सीमित हुने भएको छ ।
“ग्रेटर सिड्नीका सबै क्षेत्रहरू वलङगन,सेन्ट्रल कोष्ट,ब्लु माउन्टेन लगायत,नदर्न बिचेस् अन्तर्गत दक्षिण भागका सबै क्षेत्रहरूमा पारिवारिक जमघट पाँच व्यक्तिमा सीमित हुनेछ ।” बेरीजीक्लिययनले भनिन् ।
“नदर्न बिचेसमा भने कसैले पनि घरमा पाहुना बोलाउन पाउने छैनन्” उनले भनिन् ।
पिरमोन्टमा भएको विवाहमा प्रतिबन्धलाई वास्ता नगरी भेला भएका अन्य ९ जना व्यक्तिलाई जनही एक हजार डलरको दरले जरिवाना गरिने भएको छ ।
स्वास्थ्य निर्देशनको पालना नगरेर मानिसहरूले गलत सन्देश दिएको प्रहरीका आन्तरिक सुरक्षा मन्त्री डेभिड इलटले बताए ।
यसैबिच सोमबार राति भेटिएका सिड्नीमा नदर्न बिचेस सँग सम्बन्ध नभएका तिन नयाँ सङ्क्रमणका बारेमा श्रोत पत्ता लगाउन अधिकारीहरू गहिरो अनुसन्धानमा लागेका छन् ।
भेटिएका तिन सङ्क्रमित मध्येको एक व्यक्ति वलङगनको रहेको बताइएको छ ।
बाकि दुई भने सिड्नीका पश्चिम र उत्तरी क्षेत्रका बासिन्दा हुन् ।
वलङगनका ग्रिम अर्थोडक्स चर्च,सेन्ट,नेक्टारिस चर्च र द होली क्रस चर्चमा कन्ट्याक्ट ट्रेसिङको चेतावनी जारी गरिएको छ ।
यसै गरी फिगट्रीका विभिन्न क्षेत्रमा पनि चेतावनी जारी गरिएको छ ।
हाल वलङगन अस्पतालमा कोरोना जाँच गराउन स्थानीय मानिसहरूको भिड लागेको छ ।
नयाँ वर्षलाई कोभिड सुरक्षित रूपमा मनाउनका लागि प्रिमीयर ग्लेडीज बेरीजिक्लीयनले “ व्यक्तिगत जिम्मेवारी” मानेर सहयोग पुर्याउन समुदाय समक्ष आग्रह गदै आइरहेकी छन् ।
यो पनि पढ्नुहोस ।
अस्ट्राजेनेकाको खोप सोचे भन्दा निकै प्रभावकारी देखिएको कम्पनीको दाबी
