नेपाली समुदायका सदस्यहरूले अस्ट्रेलियामा आफ्नो पारिवारिक कथा जहिले सुरु गरेको भए पनि, परम्परागत पर्व र त्यससँग जोडिएका संस्कारहरू नयाँ देशमा महत्त्वपूर्ण भागका रूपमा रहने प्रधानमन्त्री आल्बनिजीले बताएका छन्।
"दशैँमा सन्तानले आफ्ना बाबु-आमा र हजुरबुवा-हजुरआमाहरूबाट प्राप्त गर्ने आशीर्वादले संस्कृति र परम्परालाई जोगाउँछ," एक विज्ञप्ति मार्फत उनले भने।
अस्ट्रेलियाका विभिन्न स्थानमा छरिएर बसेका नेपालीहरूलाई इङ्गित गर्दै प्रधानमन्त्रीले लन्चेस्टनदेखि शेपर्टनसम्म, एवं पर्थदेखि सिड्नीसम्म हप्तौँदेखि दशैँको तयारी भइरहेको पनि बताए।
अस्ट्रेलियामा बस्ने नेपाली समुदायले आफ्नो इतिहास, परम्परा र आशीर्वादलाई सबै अस्ट्रेलियनहरूसँग बाँडेका छन्।एन्थोनी आल्बनिजी, प्रधानमन्त्री
दशैँ, असत्य माथि सत्यको विजयका रूपमा मनाइने पर्व भएकाले संसारमा राम्रा कुराहरूको खोजी गर्न र ती कुरा आफू माथि लागु गर्ने एक अवसर भएको पनि उनले बताएका छन्।
Share
