नोभेम्बरको आम निर्वाचनले राष्ट्रपति डोनाल्ड ट्रम्प र उपराष्ट्रपति माइक पेन्स - थप चार वर्षको लागि सत्तामा फर्किने छन् कि छैनन् भन्नेबारे निर्णय गर्ने छ
र उक्त चुनावमा ट्रम्प र पेन्सको कार्यकाल अन्त्य गर्ने प्रयास गर्ने छन् - पूर्व उपराष्ट्रपति - जो बाइडेन र कमला ह्यारीसले।
राष्ट्रपति चुनावको लागि डेमोक्र्याटिक पार्टीका उम्मेदवार घोषित हुन बाइडेन विरुद्ध उठेकी ५५ वर्षीय ह्यारीसलाई अहिले बाइडेनले आफ्ना उप-राष्ट्रपति बनाउने घोषणा गरेका हुन्।
सामाजिक सञ्जाल मार्फत आफ्नो निर्णयबारे घोषणा गर्दै बाइडेनले कमला ह्यारीस, उनकै शब्दमा, "आम मानिसका लागि एक निडर लडाकु" रहेको बताएका छन्।
डेमोक्र्याटिक पार्टीको तर्फ बाट उप-राष्ट्रपति पदका लागि ह्यारीसलाई उम्मेदवार बनाउने निर्णयको पूर्व राष्ट्रपति द्वय बराक ओबामा र बिल क्लिन्टनदेखि डोनाल्ड ट्रम्पद्वारा पराजित हिलारी क्लिन्टनले पनि स्वागत गरेकी छन्।
कमला ह्यारिसको उम्मेदवारी बारे प्रतिक्रिया दिँदै, राष्ट्रपति डोनाल्ड ट्रम्पले आफू अचम्म भएको बताएका छन्।
डा. महेन्द्र लावतीसँगको हाम्रो कुराकानी सुन्न माथि रहेको मिडिया प्लेयरमा थिच्नुहोस्
