अस्ट्रेलिया भर आज सामुदायिक सङ्क्रमणका कुनै पनि मामला फेला परेनन् ।
यद्यपि विदेशबाट फर्किएर अस्ट्रेलियाका विभिन्न राज्यमा होटलक्वारीनटीनमा बसेका ७ व्यक्तिमा भने कोरोना पुष्टि भएको छ ।
भिक्टोरियामा तिन,वेस्टर्न अस्ट्रेलिया दुई र न्यु साउथ वेल्स र नदर्न टेराटेरी एक–एक जनामा कोरोना सङ्क्रमण पुष्टि भएको छ ।
भिक्टोरिया लगातार १८ दिन सम्म कोरोना सङ्क्रमण रहन सफल भएको छ ।
जसको परिणाम राज्यका कोरोना प्रतिबन्धहरू केही खुकुलो पारिएका छन् ।
शनिवार देखि लागु हुने गरी घर भित्र हुने जमघटको सङ्ख्यालाई १५ बाट बढाएर तिस पुर्याइएको छ ।
Mtu afanyiwa kipimo cha coronavirus, katika kituo cha vipimo cha fukwe ya Bondi Beach. Source: AAP
यसै गरी भिक्टोरियाले न्यु साउथ वेल्सका सबैजसो क्षेत्रका लागि आफ्नो सीमा खोलेको छ ।
शनिवार भिक्टोरियामा अस्ट्रेलियन टेनिस खेल सँग सम्बन्धित एक २० बिर्षीया एक व्यक्तिमा कोरोना पुष्टि भएको थियो भने आज कुल तिन मानिसमा
कोरोनाको बेलायती सङ्क्रमण फेला परेको हो ।
तर ती चारै व्यक्ति खेलाडी भने होइनन् ।
हाल उक्त खेल सँग सम्बधीत ९ सय ७० जना मानिसहरू क्वारीनटीनमा राखिएका छन् भने १० जनामा सक्रिय सङ्क्रमण रहेको छ ।
यता न्यु साउथ वेल्समा आज सामुदायिक सङ्क्रमणका कुनै मामला फेला परेनन् यद्यपि दक्षिण पश्चिम क्षेत्र लिभरपुल र ग्लेनफिल्डमा भने ढलको पानीमा कोरोनाका अंशहरू भेटिएका छन् ।
न्यु साउथ वेल्समा फोहोर पानीका सङ्क्रमणको अनुसन्धान गर्ने कार्यक्रम अन्तर्गत सो क्षेत्रमा कोरोनाको अंश भेटिएको हो ।
स्वास्थ्य अधिकारीहरूले उक्त क्षेत्रमा बसोबास गर्ने मानिसलाई लक्षणहरूमा ध्यान दिन र जाँच गराउन अनुरोध गरेका छन् ।
यस अघि केमीला र अर्वनमा पनि ढलको फोहर पानीमा कोरोनाको अंश फेला परेको थियो ।
