निर्मला बलात्कार र हत्या प्रकरणमा थप ५ प्रहरी अधिकृत निलम्बन
कञ्चनपुरकी १३ वर्षीया निर्मला पन्तको बलात्कारपछि हत्या घटनाको अनुसन्धानमा संलग्न थप पाँच जना प्रहरी अधिकृतलाई गृह मन्त्रालयले निलम्बन गरेको छ ।
उच्च स्तरीय छानबिन समितिको प्रतिवेदनलाई आधार मानेर गृह मन्त्रालयले शनिबार विज्ञप्तिमार्फत प्रहरी नायव उपरीक्षक ज्ञानबहादुर सेटी, सिआइबीका प्रहरी नायव उपरीक्षक अंगुर जिसी, प्रहरी निरीक्षक जगदीश भट्ट, प्रहरी निरीक्षक एकेन्द्र खड्का र सहायक निरीक्षक रामसिंह धामीलाई निलम्बन गरिएको जानकारी दिएको छ ।
गृह मन्त्रालयका सहसचिव हरिप्रसाद मैनालीको नेतृत्वमा गठित उच्च स्तरीय छानबिन समितिले शनिबार गृहमन्त्री रामबहादुर थापालाई प्रतिवेदन बुझाएका थिए ।
यसअघि गृह मन्त्रालयले कञ्चनपुरका तत्कालीन प्रहरी प्रमुख एसपी डिल्लीराज बिष्टलाई निलम्बन गरेको थियो।
Nirmala Panta's parents in Kathmandu. Source: Supplied
..
निर्मलाका निम्ति न्याय माग्दै देशभर प्रदर्शन
बलात्कारपछि हत्या गरिएकी कञ्चनपुरकी १३ वर्षीया निर्मला पन्तलाई न्याय दिलाउन राजधानी लगायत देशभर विशाल प्रदर्शन भएको छ। श्निबार राजधानीसहित पोखरा, पाँचखाल, रोल्पा र पाल्पा लगायत ठाउँमा निर्मला पन्तलाई न्याय दिलाउन प्रदर्शन भएको थिए।
घटना भएको ५० दिन बितिसक्दा सरकारले घटनाका दोषी पत्ता लगाउन नसकेको भन्दै नागरिक समाज र सामाजिक अभियन्ताको अगुवाईमा ‘निर्मलाका निम्ति न्याय’ नारासहित काठमाडौंमा माइतीघरदेखि नयाँ बानेश्वरसम्म प्रदर्शन भएको थियो।
...
न्यायका लागि छट्पटिरहनु दुःखद: राष्ट्रपति भण्डारी
राष्ट्रपति विद्यादेवी भण्डारीले बलात्कारपछि हत्या गरिएकी कञ्चनपुरकी १३ वर्षीय निर्मला पन्तको हत्यामा संलग्नलाई कारवाहीको दायरामा ल्याउन आग्रह गरेकी छन् ।
राष्ट्रिय बाल दिवसलाई सम्बोधन गर्दै राष्ट्रपति भण्डारीले निर्मला पन्तका बाबु र आमा न्यायका लागि छट्पटिरहनु दुःखद रहेको प्रतिक्रिया दिएकी थिइन् ।
उनले बालबालिकासम्बन्धी मौलिक अधिकारलाई व्यवहारिक रुपमा कार्यान्वयन गर्न आग्रह गरेकी थिइन् ।
...
Nepal's President Bidhya Devi Bhandari has called for Nirmala Panta to receive justice Source: Supplied
चिकित्सकलाई आन्दोलन नगर्न अन्तरिम आदेश
सर्वोच्च अदालतले अत्यावश्यकीय सेवाअन्तर्गत पर्ने चिकित्सा सेवा ठप्प पार्ने कार्य नगर्न र नगराउन चिकित्सकका नाममा अन्तरिम आदेश जारी गरेको छ ।
फौजदारी संहितामा राखिएको इलाजसम्बन्धी प्रावधानमा आपत्ति जनाउँदै चिकित्सकहरूले आकस्मिकबाहेकका सेवा ठप्प पार्ने घोषणा गरेपछि परेको रिटमा सुनुवाई गर्दै सर्वोच्चले अन्तरिम आदेश दिएको थियो ।
न्यायाधीश दीपकराज जोशीको इजलासले सरकार र चिकित्सक संघबीच भएको सम्झौतासमेत यथास्थितिमा राख्न आदेश दिएको थियो ।
..
Khusbu Oli receiving the AFC Dream Asia 2018 award Source: Supplied
खुस्बुलाई एएफसी ड्रिम अवार्ड
एसियन फुटबल फेडेरेसन (एएफसी) ले सेल्टर नेपालकी अध्यक्ष खुस्बु ओलीलाई एएफसी ड्रिम अवार्ड २०१८ प्रदान गरेको छ । बुधबार मलेसियाको क्वालालम्पुरमा एएफसीको सामाजिक उत्तरदायित्व अन्तर्गतको सम्मेलनमा खुस्बुलाई एएफसी ड्रिम अवार्ड प्रदान गरिएको राखेपले जानकारी गराएको थियो।
एएफसीले प्रत्येक वर्ष तीन विधाअन्तर्गत कर्पोरेट, नन–गभर्नमेन्ट अर्गानाइजेसन र व्यक्तिगततर्पm यो अवार्ड प्रदान गर्दै आइरहेको छ । खुस्बुलाई एएफसीले व्यक्तिगत विधाअन्तर्गत अवार्ड प्रदान गरेको थियो।
सडक बालबालिकाका लागि आश्रय दिँदै आएकी खुस्बुलाई एएफसीको सोसियल रेस्पोन्सिबिलिटी कमिटीका अध्यक्ष अहमद इद एल हर्बीले अवार्ड प्रदान गरेका थिए ।
खुस्बुलाई अवार्डसँगै नगद १० हजार अमेरिकी डलरसमेत प्रदान गरिएको थियो ।
सेल्टर नेपालकी अध्यक्ष खुस्बुले एक हजार सडक बालबालिकालाई फुटबलको माध्यमबाट विभिन्न कार्यक्रमहरु सञ्चालन गरेकी थिइन् ।
...
