इटलीमा नयाँ प्रतिबन्धहरू लगाइँदा सरकारले प्रदर्शनको पनि सामना गर्नु परीरहेको छ ।
नयाँ प्रतिबन्धहरू सुरु हुँदा व्यवसायीहरूलाई सरकारको सहयोग स्वरूप ९ अर्व अस्ट्रेलियाली डलर बराबरको राहत प्याकेजको अनुमोदन भएको छ ।
कोभिड–१९ को महामारीको रोकथामका लागि सरकारले ल्याएको नयाँ प्रतिबन्ध विरुद्ध इटलीका सडकहरूमा प्रर्दशनकारीहरु उत्रिएका छन् ।
सरकारले लगाएको नयाँ प्रतिबन्ध कम्तीमा पनि एक महिनासम्म रहने भए पछि यसरी मानिसहरू प्रदर्शनमा उत्रिएका हुन् ।
नयाँ प्रतिबन्धमा रेस्टुरेन्ट, सिनेमा घर, जिम, पौडी पोखरी लगायतका स्थानहरू चाडै बन्द गर्नु पर्ने नियम ल्याइएको छ ।
Police clash with protesters in Rome, Italy Source: AAP
कोभिडका मामलाहरू पछिल्लो समय ह्वात्तै बढे पछि सरकारले नियन्त्रणका कढा नियमहरू ल्याएको छ । स्वास्थ्य विभागका रोग नियन्त्रण विभागका प्रमुख बढ्दो संक्रमणदरको प्रभाव स्वरूप नयाँ प्रतिबन्ध आएको बताउँछन् ।
इटलीले प्रतिबन्धहरूका कारण व्यवसायमा पर्न जाने असरका कारण व्यवसायीहरूमा पर्ने मारमा मलहम लगाउने उद्देश्यले सरकारी अनुदान प्याकेज अघि सारेको छ । करिब ९ अर्व अस्ट्रेलियन डलर बराबरको प्योकजले यस्ता व्यवसायलाई सहयोग पुर्याउने छ ।
यता नेदरल्याण्डमा दुई हप्ता अघि बाट जारी भएको आंशिक लकडाउनको अवस्था डिसेम्बर महिना भरी रहने अनुमान गरिएको छ । कोरोना भाइरसको सङ्क्रमण ज्यादा देखिएपछि क्याफे,रेस्टुरेन्ट लगायतका व्यवसायहरू बन्द गर्न लगाइएको छ ।
गएको हप्ता मात्र कोभिड –१९ का सङ्क्रमणको सङ्ख्या २२ प्रतिशतले बढेको छ भने अस्पतालमा उपचार कक्षको अभावमा सङ्क्रमितहरूलाई विमान मार्फत जर्मनी पुर्याइएको छ ।
प्रधानमन्त्री मार्क रुटाले पूर्ण लकडाउनको अवस्था आउन सक्ने सङ्केत गरेका छन् ।
यता स्पेनमा चिकित्सकहरूले २५ वर्ष पछि पहीलोपटक काम गर्ने अवस्था खराब भएको र कमजोर स्वास्थ्य सेवा प्रणाली भन्दै विरोधमा उत्रिएका छन् ।
तर अस्पतालमा ८० प्रतिशत भन्दा बढी कर्मचारी भएका कारण चिकित्सकहरूको २४ घण्टे हडतालले बिरलै असर पारेको छ ।
BARCELONA, SPAIN -The Nobu Hotel Barcelona draws a heart on its facade in tribute to front line health staff Source: Getty Images Europe
स्वास्थ्य सेवामा कार्यरत मानिसहरू सँगै एक चिकित्सकले संसद्मा समेत प्रदर्शन गरेका छन् ।
यता मेम्सीकोमा कोभिडका कारण मारिनेहरूको सम्झनामा ३ दिने शोक दिवस मनाइने भएको छ । उनीहरूको सम्झनामा एक दिने सार्वजनिक बिदा पनि दिइने भएको छ ।
म्याक्सीकोमा ८९ हजार मानिसहरू आधिकारिक रूपमा कोभिडका कारण मारिएको बताइन्छ यद्यपि अन्य ५० हजार मानिसको मृत्यु पनि कोभिड सँग जोडिने अधिकारीहरू बताउँछन् ।
राष्ट्रपति एन्ड्रेज म्यानुएल लोपेज ओब्राडोर लगातार तिन दिन सङ्क्रमणका कारण मारिएकाहरू प्रति शोक दिवसका रूपमा मनाइने बताउँछन् ।
अमेरिकामा भर्खरै कोभिड मुक्त भएकी प्रथम महिला मेलानिया ट्रम्पले राष्ट्रपति चुनावको प्रचार ऱ्यालिमा सहभागी हुँदै आफ्ना समर्थकहरूलाई आफ्नो परिवार बिरामी हुँदा देखाएको चासो र सदाशयता प्रति धन्यवाद प्रकट गरेकी छन् ।
गत हप्ता मात्र अमेरिकामा ५ लाख भन्दा बढी मानिसहरू कोभिड –१९ सङ्क्रमित बनेका छन् ।
First lady Melania Trump watches on during the first presidential debate, Tuesday, 29 September, 2020. Source: AAP
राष्ट्रपति ट्रम्प आफ्ना मतदातालाई सरकारले महामारीका क्रममा गरेका काम र अर्थतन्त्रको अवस्था भन्दा माथि बसेर र्हेन अनुरोध गरी रहेका छन् ।
पूर्व राष्ट्रपति बराक ओबामा भने ट्रम्पका बिचार हास्यास्पद भएको बताउँछन् । उनी भन्छन् “मानिसहरू कोभिडमा मात्रै केन्द्रित भएको भन्दै ऱ्यालिमा भाषण दिई रहेका छन् जुन हास्यास्पद रहेको छ ”
क्यानडाको सीमा क्षेत्रमा कोभिडको दोस्रो लहरका कारण जनताले भोगेको सास्ती प्रति क्यानेडेली प्रधानमन्त्री जस्टिन टुडोले निकै दुख व्यक्त गरेका छन् । उनी दोस्रो लहरका कारण जनताले भोगेको सास्तीका कारण आफू निकै दुखी भएको बताउँछन् ।
यता फ्रान्सका राष्ट्रपतिले टेलिभिजन सम्बोधन मार्फत बढ्दै गरेको सङ्क्रमणबाट जोगिन नयाँ प्रतिबन्धको तैयारी भएको बताए । शुक्रबार देखि फ्रान्स र जर्मनी एक महिने लकडाउनमा जाने पक्का भएको छ ।
हाल विश्वभर ४ करोड ४० लाख भन्दा बढी मानिसहरू कोरोना सङ्क्रमित भएका छन् भने लगभग ३ करोड मानिसहरूले कोरोनालाइृ जित्न सफल भएका छन् ।
कोरोनाभाइरसद्वारा सङ्क्रमित भएको आशङ्का लागेमा मानिसहरूले सर्वप्रथम आफ्नो डाक्टर (जीपी)लाई वा राष्ट्रिय कोरोनाभाइरस स्वास्थ्य जानकारी हटलाइन - १८०० ०२० ०८० मा फोन गर्नुपर्छ।
यदि तपाईँलाई सास फेर्न गाह्रो महसुस भयो वा आपतकालिन स्वास्थ्य समस्या उत्पन्न भएको खण्डमा ००० (ट्रिपल जिरो)मा कल गर्नुहोस्।
