नर्सिङ पेसाका चुनौती: कोभिड-१९ देखि कम पारिश्रमिक र कामको भारसम्म

१२ मेलाई अन्तर्राष्ट्रिय नर्सिङ दिवसका रूपमा मनाइरहँदा नेपाली पृष्ठभूमिका रजिस्टर्ड नर्सहरूले यो क्षेत्रमा धेरै चुनौतीहरू रहेको बताएका छन्।हामीले अस्ट्रेलियामा रहेर विभिन्न नर्सिङ होम र अस्पतालहरूमा कार्यरत नेपाली भाषी रजिस्टर्ड नर्सहरूसँग नर्सिङ पेसाका हालका चुनौतीका बारेमा प्रश्न गरेका थियौ। हामीसँगको कुराकानीका क्रममा उनीहरूले बिरामी र नर्सहरूबिचको अनुपात निकै धेरै भएको र चुनौतीपूर्ण पेसा भएकाले तलबमा पनि केही सुधार हुनु पर्ने बताएका छन्।