गृह मामिला मन्त्री क्लेएर ओ’निलले लोकतन्त्र अस्ट्रेलियाको सबैभन्दा बहुमूल्य राष्ट्रिय सम्पत्ति भएको बताएकी छन्। तर केही मानिसहरूले यो जोखिममा रहेको बताउँछन्।
एक सरकारी प्रतिवेदनका अनुसार अविश्वास, गलत सूचना, एआई, जासुसी र सामाजिक विभाजनले अस्ट्रेलियाको लोकतन्त्रलाई जोखिममा पारिरहेको छ।
अस्ट्रेलिया इन्स्टिच्युट अन्तर्गतको लोकतन्त्र र जबाफदेहिता कार्यक्रमका निर्देशक बिल ब्राउन भन्छन्, "विश्वभर नै लोकतन्त्रका लागी अवरोधहरू देखिएका छन्। र विभिन्न देशहरूमा लोकतन्त्रको गुणस्तर र गति विगतका १० वर्ष भन्दा पछाडि सरेको देखिन्छ।”
तर ब्राउनले भन्छन् कि अस्ट्रेलियालाई यी सबै खराब परिवर्तनहरूबाट जोगाइएको छ।
उनी लोकतान्त्रिक रूपमा निर्वाचित तल्लो र माथिल्लो सदन, अनिवार्य रूपमा मतदान गर्नै पर्ने नियम र स्वतन्त्र निर्वाचन आयोग लोकतन्त्रको विशेषताहरू भएको बताउँछन्।
एसबीएस एक्जामिन्स्लाइ उनले भने, “लोकतन्त्रको गुणस्तर सुधार गर्न अस्ट्रेलियाबाट विश्वले सिक्नुपर्छ।"
एसबीएस एक्जामिन्सको यस शृङ्खलामा अस्ट्रेलियामा लोकतन्त्रको अवस्था कस्तो छ? र यो खस्किँदो अवस्थामा छ त भन्नेबारे बताइएको छ?
