१.नेपाली संगीतमा सक्रिय तपाईको पछिल्ला सांगीतिक गतिविधिहरु के–के हुन् ?
हालै 'मन चरी’ बोलको गीत युट्युवमार्फत सार्वजनिक गरेको छु । रवि मल्लको लेखेको यस गीतमा संगीतकार कल्याण सिंहले संगीत दिएका छन् । त्यसबाहेक नयाँ गीतको रेकडिङको तयारीमा जुटेकी छु ।
२. नेपाली संगीतमा लोकप्रियताको लागि विभिन्न खालका गीतहरु आएरहेका छन् । तपाईले अहिलेको नेपाली संगीतको स्थितिलाई कसरी लिनुभएको छ ?
नेपाली संगीतमा नसोचिएका गीतहरुले चर्चा पाइरहेका छन् । त्यसैले कस्ता गतिलाई राम्रो भन्ने भनेर सोच्न बाध्य भएको छु । राजधानी र राजधानीबाहिरको चल्ने गीतहरु फरक हुने गरेका छन् । विभिन्न सांगीतिक कार्यक्रमको सिलसिला करिव २० वटाजति क्षेत्रहरु पुग्ने अवसर पाएको थिए । त्यसबेला मैले काठमाडौंमा चर्चा पाएका गीतहरुको तुलनामा स्थानीय कलाकारहरुले गाएका गीतहरु श्रोताहरुले मनपराएको पाएको थिए । त्यसबाहेक नेपाली फिल्मका गीतको स्थित बढेको महशुस गरेको छु ।
३.युट्युवले संगीत सुन्ने संस्कृतिबाट हेनुपर्नेपनि रहेछ भन्ने बनाइदिएको छ । यसको आवश्यकताहरु के–के रहेछन् ?
कलाकारहरुको लागि संगीतको प्रमोसन हुनु जरुरी छ । फेरि युट्युवले कुनैपनि गीत सुन्नेमात्र नभएर हेनुपर्छ भन्ने स्थितिको सृजना गरिरहेको छ । कलाकारको लागि भिडियो आवश्यक भइसक्योजस्तो लाग्छ ।
४. नेपालमा हुने विभिन्न महोत्सवदेखि विदेशमा हुने सांगीतिक कार्यक्रममा कलाकारहरुले गर्ने दौडधुपको तुलनामा कमाइचाँहि कस्तो छ ?
अहिलेसम्म मैले नेपालीमा हुने स्थानीय महोत्सवहरुमा सहभागि हुने अवसर पाएकी छैन् । मेरो परिवारको मुख्य पेशा भनेको संगीत हो । नेपाली संगीतमा लागेर हाम्रो परिवार खुसीसाथ बसेका छौं । आर्थिक अभावको कारण अन्य पेशा अंगाल्नुपर्ने स्थिति आएको छैन्।
५. राम्रा र विकृति फैलाउने दुवै खालका गीतहरु अहिले दिनहुँजस्तो आइरहेका छन् । नेपाल सरकारले गीत संगीतलाई सेन्सर गर्नुपर्छ जस्तो लाग्दैन् ?
नेपालमा निकाय भएपनि खासै ध्यान नदिएको हो जस्तो लाग्छ । छनोट समितिमा भएका कर्मचारी र स्रष्टाहरुले सब खालका गीतलाई बुझ्न सक्नुपर्छ । कहिलेकाँही स–साना बालबालिकाहरुले सुन्नै नसक्नु शब्दहरु राखिएर तयार भएका गीतहरु गाइरहेका हुन्छन् । मैले आफ्ना श्रोतालाई कहिल्यै दुखित तुल्याउने खालका गीतहरु गाएकी छैन् । गीत संगीतलाई सेन्सर लगाउने भन्दापनि गुणस्तर बढाउनमा ध्यान दिनु जरुरी छ ।
६.सांगीतिक जोडी उदय सोताङ र मनिला सोताङकी छोरी भएर संगीतमा लाग्दाका राम्रा र नराम्रा अनुभव कस्ता रहे ?
आमाबुबाको नामले नेपाली संगीतमा करियर सुरु गर्दादेखि अहिलेसम्म पनि फाइदा पाएकी छु । नेपाली संगीतमा लागेदेखि मलाई गायिकाको रुपमा हेर्ने दृष्टि सकारात्मक पाएको छु । त्यसबाहेक अहिलेसम्म कोहीबाट दुरव्यवहारको सिकार हुनपरेको छैन् । नेपाली संगीतका शुभचिन्तकहरुदेखि श्रोताहरुले पनि कहिलेकाँहीचाँहि मलाई उहाँहरुसँग तुलना गरिदिनुहुन्छ । त्योचाँहि मलाई लागेको नराम्रो पक्ष हो । त्यसैले मलाई गीतहरु निकाल्नपनि तुलनात्मक रुपमा गाह्रो हुने गर्छ।
७. संगीत सिक्नु कतिको आवश्यक रहेछ ?
एकदमै आवश्यक छ । संगीत सिकेर आएका र नसिकेर गीत निकालेका कलाकारहरुको गीतको स्थितमा आकाश जमिनको फरक हुन गर्छ । त्यो कुरा श्रोताहरुले थाहा पाइहाल्ने गरेका छन्। रहर पुरा गर्नको लागि संगीत सिक्नु जरुरी भने हुन्न् ।
८. योजनाहरु केही बनाउनु भएको छ ?
हरेक नयाँ गीत सार्वजनिक गरेलगत्तै अर्को गीत कस्तो निकाल्नेमा धेरै केन्द्रित हुने गरेको छु । योजना बनाएर कहिल्यै काम गरिन् ।
९. संगीतमा करियर बनाउन आउनेहरुलाई केही सल्लाह छन् ?
यो क्षेत्रमा धैर्यता चाहिन्छ । एउटा गीत चलेर खासै केही नहुने भएकाले मेहेनत गरिरहनु पर्छ । त्यसबाहेक पैसापनि हुनु जरुरी जस्तो भइसकेको छ ।
१०. आफैले स्वर दिएका गीतहरुमध्ये तपाईलाई मनपरेको गीत कुन हो ?
मलाई मैले आएका राम्रो गीतमा आउन बाँकीनै छन् जस्तो लाग्छ । मेरो दोस्रो एल्बम 'प्रेलिएड’बाट 'अलिअलि’ बोलको गीत मनपर्छ ।
