सन् २०१४ मा अस्ट्रेलियामा पढ्न आएका उज्ज्वल पौडेललाई २० वर्षको उमेरमा रगतको क्यान्सर भएको थाहा भए पछि उनको जिन्दगीले नसोचेको मोड लिन पुगेको थियो। त्यस बेला डाक्टरले 'लुकिमिया' भएको खबर दिँदा, आफूलाई त्यसको अर्थ समेत राम्ररी थाहा नभएको बताउने पौडेल अहिले ब्लड क्यान्सरको बारेमा जनचेतना फैलाउने काममा लागिपरेका छन्। विभिन्न व्यक्ति तथा सङ्घ संस्थाको सहयोगमा करिब चार वर्ष लामो उपचार पछि अहिले क्यान्सर रहित रहेका उनले, सिम्प्ली ह्युमन - सुपरहिरोज विदआउट केप्स नामक गैर-नाफामूलक संस्थाबाट क्यान्सर भएका मानिसहरूलाई सहयोग प्रदान गर्दै आएका छन्। भारतमा उपचारदेखि अस्ट्रेलियामा नयाँ जीवन पाएकोसम्मको उनको यात्रा तथा नेपाली समुदायमा ब्लड क्यान्सरको चेतनाको आवश्यकता बारे पौडेल र सिम्प्ली ह्युमनकी संस्थापक प्रेरणा पाह्वाले एसबीएस नेपालीसँग गरेको कुराकानी सुन्नुहोस्। यो पोडकास्ट पहिलो पटक ३ अगस्ट, २०२३ मा प्रकाशित भएको थियो।
हाम्रा थप अडियो प्रस्तुतिहरू पोडकास्टका रूपमा उपलब्ध छन्। यो नि:शुल्क सेवा प्रयोग गर्न तपाईंले आफ्नो नाम दर्ता गर्नु पर्दैन। पोडकास्टमा सामाग्री उपलब्ध हुनासाथ सुन्न यहाँ थिच्नुहोस्।
Share
