ਆਸਟ੍ਰੇਲੀਅਨ ਆਰਟਿਸਟ ਪੀਟਰ ਡਰਿਊ ਦੀ ਵਾਇਰਲ ਆਰਟ ‘Aussie' ਪੋਸਟਰ ਸੀਰੀਜ਼ ਵਿੱਚ ਇੱਕ ਪੰਜਾਬੀ ਚਿਹਰਾ ਨੈਸ਼ਨਲਜ਼ ਪਾਰਟੀ ਦੇ ਲੀਡਰ ਗੁਰਮੇਸ਼ ਸਿੰਘ ਦੇ ਪੜਦਾਦਾ ਬੇਲਾ ਸਿੰਘ ਹਨ।
ਐਡੀਲੇਡ ਰਹਿੰਦੇ ਇਸ ਆਰਟਿਸਟ ਨੇ 2016 ਤੋਂ ਕਈ ਪੋਸਟਰ ਬਣਾਏ ਹਨ ਜਿਨ੍ਹਾਂ ਵਿੱਚ ਆਸਟ੍ਰੇਲੀਆ ਦੀ ਨਸਲਵਾਦੀ ਰਹੀ ‘White Australia’ ਨੀਤੀ ਦੇ ਡਿਕਟੇਸ਼ਨ ਟੈਸਟ ਤੋਂ ਛੋਟ ਦਿਵਾਉਣ ਵਾਲੇ ਵਿਅਕਤੀਆਂ ਦੀਆਂ ਤਸਵੀਰਾਂ ਸ਼ਾਮਿਲ ਕੀਤੀਆਂ ਜਾਂਦੀਆਂ ਹਨ।
ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦਿਆਂ ਪੀਟਰ ਨੇ ਇਸ ਆਰਟ ਦੀ ਸ਼ੁਰੂਆਤ ਬਾਰੇ ਦੱਸਿਆ ਕਿ, “ਮੈਂ National Archives of Australia ਵਿੱਚ ਦੇਖਿਆ ਕਿ ਹਜ਼ਾਰਾਂ ਤਸਵੀਰਾਂ 19ਵੀ ਸਦੀ ਦੇ ਅਖੀਰ ਵਿੱਚ ਆਏ ਵਿਅਕਤੀਆਂ ਦੀਆਂ ਸਨ, ਜਿਸ ਤੋਂ ਜ਼ਾਹਿਰ ਹੁੰਦਾ ਹੈ ਕੇ ‘White Australia’ ਨੀਤੀ ਦੇ ਬਾਵਜੂਦ ਵੀ ਇਸ ਸਮੇ ਆਸਟ੍ਰੇਲੀਆ ਵਿੱਚ ਵਿਲੱਖਣ ਸੱਭਿਆਚਾਰਾਂ ਅਤੇ ਮੁਲਕਾਂ ਦੇ ਲੋਕ ਮੌਜੂਦ ਸਨ।”
ਮੈਨੂੰ ਅਜਿਹਾ ਮਹਿਸੂਸ ਹੋਇਆ ਕਿ ਇਸ ਨਸਲੀ ਅਤੇ ਸੱਭਿਆਚਾਰਕ ਵਿਖਰੇਵੇਂ ਬਾਰੇ ਹੋਰ ਲੋਕਾਂ ਨੂੰ ਪਤਾ ਲੱਗਣਾ ਚਾਹੀਦਾ ਹੈ।ਪੀਟਰ ਡਰਿਊ
ਇਸ ਤੋਂ ਬਾਅਦ ਪੀਟਰ ਨੇ ਭਾਰਤ ਤੋਂ ਆਏ ਮੋਂਗਾ ਖਾਨ ਸਮੇਤ ਹੋਰਨਾਂ ਤਸਵੀਰਾਂ ਨੂੰ ਵਖਵਾਦੀ ਸੋਚ ‘ਤੇ ਟਿਪਣੀ ਕਰਦੇ ਹੋਏ ਪੋਸਟਰ ਬਣਾ ਕੇ ਆਸਟ੍ਰੇਲੀਆ ਭਰ ਵਿੱਚ 1000 ਕਾਪੀਆਂ ਚਿਪਕਿਆਈਆਂ।
ਮੋਂਗਾ ਖਾਨ ਦੀ ਤਸਵੀਰ NSW ਨੈਸ਼ਨਲਜ਼ ਦੇ ਆਗੂ ਗੁਰਮੇਸ਼ ਸਿੰਘ ਤੱਕ ਵੀ ਪਹੁੰਚੀ।
ਮੈਂ 2022 ਵਿੱਚ ਪਹਿਲੀ ਵਾਰ ਪੀਟਰ ਦਾ ਬਣਾਇਆ ਪੋਸਟਰ ਸਿਡਨੀ ਦੇ ਇਕ ਖੰਬੇ ‘ਤੇ ਲੱਗਿਆ ਹੋਇਆ ਦੇਖਿਆ ਸੀ ਅਤੇ ਉਸ ਵੇਲੇ ਮੈਂ ਸੈਲਫੀ ਪਾ ਕੇ ਆਰਟਿਸਟ ਨੂੰ ਟੈਗ ਕੀਤਾ ਸੀ।ਗੁਰਮੇਸ਼ ਸਿੰਘ
ਇਸ ਸਾਲ ਗੁਰਮੇਸ਼ ਨੇ ਐਂਟੀ ਮਾਈਗ੍ਰੇਸ਼ਨ ਪ੍ਰੋਟੈਸਟ ਦੇ ਚਲਦੇ ਪਾਰਲੀਮੈਂਟ ਵਿੱਚ ਇਸ ਪੋਸਟਰ ਦਾ ਹਵਾਲਾ ਦਿੰਦੇ ਹੋਏ ਆਸਟ੍ਰੇਲੀਆ ਵਿੱਚ ਵੱਖਵਾਦੀ ਭਾਵਨਾਵਾਂ ਦੀ ਨਿੰਦਾ ਅਤੇ ਸੱਭਿਆਚਾਰਕ ਵਿਭਿੰਨਤਾ ਦੀ ਮਹੱਤਤਾ ਬਾਰੇ ਦੀ ਗੱਲ ਕੀਤੀ ਸੀ।
ਪੀਟਰ ਦੇ ਆਰਟ ਤੋਂ ਪ੍ਰੇਰਨਾ ਲੈ ਗੁਰਮੇਸ਼ ਨੇ ਵੀ ਆਸਟ੍ਰੇਲੀਆ ਦੇ ਨੈਸ਼ਨਲ ਆਰਕਾਈਵਜ਼ ਵਿੱਚੋਂ ਆਪਣੇ ਪੜਦਾਦਾ ਦੀ ਤਸਵੀਰ ਅਤੇ ਹੋਰ ਕਾਗਜ਼ਾਤ ਲੱਭੇ ਜੋ ਉਨ੍ਹਾਂ ਪੀਟਰ ਨਾਲ ਸਾਂਝੇ ਕੀਤੇ।
“ਗੁਰਮੇਸ਼ ਦਾ ਭਾਸ਼ਣ ਸੁਣ ਕੇ ਮੈਂ ਬਹੁਤ ਪ੍ਰਭਾਵਿਤ ਹੋਇਆ, ਅਤੇ ਉਸ ਦੀ ਕਦਰ ਕਰਦੇ ਹੋਏ ਮੈਂ ਬੇਲਾ ਸਿੰਘ ਦੀ ਤਸਵੀਰ ਨੂੰ ਆਪਣੀ ਨਵੀਂ ਸੀਰੀਜ਼ ਵਿੱਚ ਸ਼ਾਮਲ ਕੀਤਾ,” ਪੀਟਰ ਨੇ ਦੱਸਿਆ।
ਪੁਲਿਸ ਵੱਲੋਂ ਗ੍ਰਿਫ਼ਤਾਰ ਕੀਤੇ ਜਾਣ ਦੇ ਬਾਵਜੂਦ ਵੀ ਪੀਟਰ ਇਹ ਪੋਸਟਰ ਕਿਉਂ ਬਣਾਉਂਦੇ ਰਹਿੰਦੇ ਹਨ, ਅਤੇ ਗੁਰਮੇਸ਼ ਆਪਣੇ ਪੜਦਾਦਾ ਬਾਰੇ ਹੋਰ ਕੀ ਜਾਣਦੇ ਹਨ, ਇਹ ਸਭ ਸੁਣੋ ਇਸ ਖਾਸ ਪੋਡਕਾਸਟ ਵਿੱਚ।
ਸਾਡੇ ਸਾਰੇ ਪੌਡਕਾਸਟ ਇਸ ਲਿੰਕ ਰਾਹੀਂ ਸੁਣੇ ਜਾ ਸਕਦੇ ਹਨ।
📢 ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
💻 ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ।
📲 ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।
