ਮੁੱਖ ਬਿੰਦੂ
- ਮੀਡੀਆ ਨੇ ਇਤਿਹਾਸਕ ਤੌਰ 'ਤੇ ਸਵਦੇਸ਼ੀ ਆਵਾਜ਼ਾਂ ਨੂੰ ਰੂੜ੍ਹੀਵਾਦੀ ਅਤੇ ਬਾਹਰ ਰੱਖਿਆ ਹੈ, ਜਿਸ ਨਾਲ ਆਦਿਵਾਸੀ ਦ੍ਰਿਸ਼ਟੀਕੋਣਾਂ ਤੋਂ ਬਿਨਾਂ ਜਨਤਕ ਸਮਝ ਨੂੰ ਆਕਾਰ ਮਿਲਿਆ ਹੈ।
- ਸਵਦੇਸ਼ੀ ਮੀਡੀਆ ਆਵਾਜ਼ਾਂ ਨੂੰ ਸ਼ਕਤੀ ਪ੍ਰਦਾਨ ਕਰਦਾ ਹੈ, ਸੱਭਿਆਚਾਰ ਨੂੰ ਸੁਰੱਖਿਅਤ ਰੱਖਦਾ ਹੈ, ਅਤੇ ਰੂੜ੍ਹੀਵਾਦੀ ਧਾਰਨਾਵਾਂ ਨੂੰ ਚੁਣੌਤੀ ਦਿੰਦਾ ਹੈ।
- TikTok ਅਤੇ Instagram ਵਰਗੇ ਸੋਸ਼ਲ ਮੀਡੀਆ ਪਲੇਟਫਾਰਮ ਸਵਦੇਸ਼ੀ ਕਹਾਣੀ ਸੁਣਾਉਣ ਨੂੰ ਉਤਸ਼ਾਹਿਤ ਕਰਦੇ ਹਨ।
ਇਤਿਹਾਸਕ ਤੌਰ 'ਤੇ, ਸਵਦੇਸ਼ੀ ਆਸਟ੍ਰੇਲੀਅਨਾਂ ਦੇ ਮੀਡੀਆ ਚਿੱਤਰਣ ਵਿੱਚ ਬੇਹੱਦ ਕਮੀਆਂ ਸਨ। ਸ਼ੁਰੂਆਤੀ ਅਖਬਾਰਾਂ, ਰੇਡੀਓ ਅਤੇ ਟੈਲੀਵਿਜ਼ਨ ਨੇ ਅਕਸਰ ਸਵਦੇਸ਼ੀ ਲੋਕਾਂ ਨੂੰ ਘੱਟ ਜਾਂ ਕਮੀਆਂ ਦੇ ਰੂਪ ਵਿੱਚ ਪੇਸ਼ ਕੀਤਾ, ਅਤੇ ਇਹ ਸਾਰਾ ਕੁਝ ਜਨਤਕ ਧਾਰਨਾਵਾਂ ਨੂੰ ਡੂੰਘਾਈ ਨਾਲ ਆਕਾਰ ਦੇ ਰਿਹਾ ਸੀ।
ਲੀਐਨ ਡਜਲੀਲਾਂਦੀ ਡੌਲਬੀ, ਜੋ ਆਪਣੀ ਮਾਂ ਵਲੋਂ ਇੱਕ ਮਾਣ ਮੱਤੀ ਨੂੰਗਾਰ, ਯਮਜੀ ਨਾਗੁਜਾ ਨੁੰਦਾ ਔਰਤ ਹੈ ਜਦਕਿ ਪਿਤਾ ਵਲੋਂ ਇੱਕ ਯਾਵੁਰੂ, ਗਿਜਾ ਤੇ ਗੂਨਿਆਂਡੀ ਔਰਤ ਹੈ। ਉਹ ਕਹਿੰਦੀ ਹੈ,
'"ਜਦੋਂ ਮੈਂ ਛੋਟੀ ਸੀ, ਮੀਡੀਆ ਵਿੱਚ ਭੀੜ ਦੀ ਬਹੁਤੀ ਨੁਮਾਇੰਦਗੀ ਨਹੀਂ ਸੀ। ਹੁਣ ਅਸੀਂ ਰੁਕਾਵਟਾਂ ਨੂੰ ਤੋੜ ਰਹੇ ਹਾਂ ਅਤੇ ਬਲੈਕ ਉੱਤਮਤਾ ਦਾ ਜਸ਼ਨ ਮਨਾ ਰਹੇ ਹਾਂ - ਇਹ ਦੇਖਣਾ ਬਹੁਤ ਵਧੀਆ ਹੈ ਕਿ ਆਦਿਵਾਸੀ ਆਵਾਜ਼ਾਂ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਸੁਣਿਆ ਜਾ ਰਿਹਾ ਹੈ।"
ਤਾਜ਼ਾ ਅਧਿਐਨ ਦਰਸਾਉਂਦੇ ਹਨ ਕਿ ਸਿਰਫ ਨੌਂ ਪ੍ਰਤੀਸ਼ਤ ਸਵਦੇਸ਼ੀ ਆਸਟ੍ਰੇਲੀਆਈ ਲੋਕ ਮੰਨਦੇ ਹਨ ਕਿ ਮੀਡੀਆ ਉਨ੍ਹਾਂ ਦੇ ਭਾਈਚਾਰਿਆਂ ਦੇ ਬਾਰੇ ਵਿੱਚ ਸੰਤੁਲਿਤ ਦ੍ਰਿਸ਼ਟੀਕੋਣ ਪ੍ਰਦਾਨ ਕਰਦਾ ਹੈ।
ਤਰੱਕੀ ਦੇ ਬਾਵਜੂਦ, ਐਨਆਈਟੀਵੀ ਵਰਗੇ ਆਦਿਵਾਸੀ-ਅਗਵਾਈ ਵਾਲੇ ਮੀਡੀਆ ਸੰਗਠਨਾਂ ਲਈ ਪ੍ਰਣਾਲੀਗਤ ਰੁਕਾਵਟਾਂ ਕਾਇਮ ਹਨ। ਘੱਟ ਫੰਡਿੰਗ ਅਤੇ ਪੁਰਾਣਾ ਬੁਨਿਆਦੀ ਢਾਂਚਾ ਉਨ੍ਹਾਂ ਦੀ ਪਹੁੰਚ ਨੂੰ ਸੀਮਤ ਕਰਦਾ ਹੈ।
ਇਸ ਦੌਰਾਨ, ਮੁੱਖ ਧਾਰਾ ਮੀਡੀਆ ਅਕਸਰ ਨਕਾਰਾਤਮਕ ਰੂੜ੍ਹੀਵਾਦੀ ਧਾਰਨਾਵਾਂ ਤੋਂ ਬਚਦਾ ਹੈ ਪਰ ਡੂੰਘੇ ਸੱਭਿਆਚਾਰਕ ਸੰਦਰਭਾਂ ਜਾਂ ਪ੍ਰਮਾਣਿਕ ਆਦਿਵਾਸੀ ਆਵਾਜ਼ਾਂ ਨੂੰ ਸ਼ਾਮਲ ਕਰਨ ਵਿੱਚ ਅਸਫਲ ਰਹਿੰਦਾ ਹੈ।
ਐਡਮ ਮਨੋਵਿਕ ਇੱਕ ਕਾਬੀ ਕਾਬੀ ਅਤੇ ਗੋਰੇਂਗ ਗੋਰੇਂਗ ਵਿਅਕਤੀ, ਫਸਟ ਨੇਸ਼ਨਜ਼ ਮੀਡੀਆ ਆਸਟ੍ਰੇਲੀਆ (ਐਫਐਨਐਮਏ) ਦੇ ਸਹਿ-ਚੇਅਰਪਰਸਨ, ਉਹ ਇਹਨਾਂ ਪੇਸ਼ਕਾਰੀਆਂ ਦੇ ਲੰਬੇ ਸਮੇਂ ਦੇ ਨਤੀਜਿਆਂ ਬਾਰੇ ਦੱਸਦੇ ਹੋਏ ਇਸ ਗੱਲ ‘ਤੇ ਜ਼ੋਰ ਦਿੰਦੇ ਹਨ ਕਿ ਫਸਟ ਨੇਸ਼ਨਜ਼ ਦੇ ਲੋਕਾਂ ਨੂੰ ਆਪਣੇ ਬਿਰਤਾਂਤਾਂ ਨੂੰ ਨਿਯੰਤਰਿਤ ਕਰਨ ਲਈ ਸ਼ਕਤੀ ਪ੍ਰਦਾਨ ਕਰਨਾ ਇਹਨਾਂ ਚੁਣੌਤੀਆਂ ’ਤੇ ਕਾਬੂ ਪਾਉਣ ਦੀ ਕੁੰਜੀ ਹੈ।
ਐਫਐਨਐਮਏ ਅਤੇ ਐਨਆਈਟੀਵੀ ਵਰਗੇ ਆਦਿਵਾਸੀ ਪਲੇਟਫਾਰਮ ਬਿਰਤਾਂਤਾਂ ਨੂੰ ਮੁੜ ਪ੍ਰਾਪਤ ਕਰਨ ਅਤੇ ਚੁਣੌਤੀਪੂਰਨ ਰੂੜ੍ਹੀਵਾਦੀ ਧਾਰਨਾਵਾਂ ਲਈ ਮਹੱਤਵਪੂਰਨ ਹਨ। ਐਫਆਈਐਮਏ ਆਸਟ੍ਰੇਲੀਆ ਭਰ ਵਿੱਚ 500 ਤੋਂ ਵੱਧ ਕਰਮਚਾਰੀਆਂ ਦਾ ਸਮਰਥਨ ਕਰਦਾ ਹੈ ਅਤੇ ਫਸਟ ਨੇਸ਼ਨਜ਼ ਦੇ ਲੋਕਾਂ ਨੂੰ ਮੀਡੀਆ ਉਦਯੋਗ ਵਿੱਚ ਦਾਖਲ ਹੋਣ ਲਈ ਸਿਖਲਾਈ ਪ੍ਰਦਾਨ ਕਰਦਾ ਹੈ।
ਐਨਆਈਟੀਵੀ, ਜਿਸ ਨੂੰ 2007 ਵਿੱਚ ਲਾਂਚ ਕੀਤਾ ਗਿਆ ਸੀ ਅਤੇ ਹੁਣ ਐਸਬੀਐਸ ਦਾ ਹਿੱਸਾ ਹੈ, ਆਦਿਵਾਸੀ ਅਤੇ ਟੋਰੇਸ ਸਟ੍ਰੇਟ ਆਈਲੈਂਡਰ ਲੋਕਾਂ ਦੁਆਰਾ ਅਤੇ ਉਨ੍ਹਾਂ ਬਾਰੇ ਪ੍ਰਮਾਣਿਕ ਕਹਾਣੀ ਸੁਣਾਉਣ ਲਈ ਇੱਕ ਪਲੇਟਫਾਰਮ ਵਜੋਂ ਕੰਮ ਕਰਦਾ ਹੈ।
ਸ਼੍ਰੀ ਮਨੋਵਿਕ ਇਹਨਾਂ ਪਹਿਲਕਦਮੀਆਂ ਲਈ ਟਿਕਾਊ ਫੰਡਿੰਗ ਨੂੰ ਯਕੀਨੀ ਬਣਾਉਣ ਲਈ ਫਸਟ ਨੇਸ਼ਨਜ਼ ਬ੍ਰੌਡਕਾਸਟਿੰਗ ਐਕਟ ਦੁਆਰਾ ਵਿਧਾਨਕ ਸਮਰਥਨ ਦੀ ਵਕਾਲਤ ਕਰਦੇ ਹਨ।
ਆਦਿਵਾਸੀ-ਅਗਵਾਈ ਵਾਲੇ ਮੀਡੀਆ ਦੀ ਭੂਮਿਕਾ ਨੂੰ ਸਮਝਣਾ ਮਹੱਤਵਪੂਰਨ ਹੈ ਕਿਉਂਕਿ ਇਹ ਇਸ ਗੱਲ ਨੂੰ ਉਜਾਗਰ ਕਰਦਾ ਹੈ ਕਿ ਕਿਵੇਂ ਭਾਈਚਾਰੇ ਆਪਣੇ ਬਿਰਤਾਂਤਾਂ ਨੂੰ ਮੁੜ ਪ੍ਰਾਪਤ ਕਰ ਸਕਦੇ ਹਨ। ਇਹ ਪਲੇਟਫਾਰਮ ਸੱਭਿਆਚਾਰਕ ਮਾਣ ਨੂੰ ਉਤਸ਼ਾਹਿਤ ਕਰਦੇ ਹਨ, ਰੂੜ੍ਹੀਵਾਦੀ ਧਾਰਨਾਵਾਂ ਨੂੰ ਚੁਣੌਤੀ ਦਿੰਦੇ ਹਨ, ਅਤੇ ਅਜਿਹੀਆਂ ਕਹਾਣੀਆਂ ਸੁਣਾਉਂਦੇ ਹਨ ਜੋ ਆਦਿਵਾਸੀ ਭਾਈਚਾਰਿਆਂ ਦੀ ਅਸਲੀਅਤ ਨੂੰ ਬਿਆਨ ਕਰਦੀਆਂ ਹਨ।
ਆਦਿਵਾਸੀ ਆਸਟ੍ਰੇਲੀਅਨ ਲੋਕਾਂ ਵਿਚਕਾਰ ਪਛਾਣ ਅਤੇ ਸਵੈ-ਮਾਣ ਨੂੰ ਆਕਾਰ ਦੇਣ ਵਿੱਚ ਮੀਡੀਆ ਨੁਮਾਇੰਦਗੀ ਇਕ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਇਤਿਹਾਸਕ ਤੌਰ 'ਤੇ, ਨੁਕਸਾਨਦੇਹ ਪੇਸ਼ਕਾਰੀ ਨੇ ਪ੍ਰਣਾਲੀਗਤ ਨਸਲਵਾਦ ਅਤੇ ਨਕਾਰਾਤਮਕ ਰੂੜ੍ਹੀਵਾਦੀ ਧਾਰਨਾਵਾਂ ਨੂੰ ਮਜ਼ਬੂਤ ਕੀਤਾ ਹੈ।
ਰਵਾਇਤੀ ਵਸੀਲਿਆਂ ਨੂੰ ਛੱਡ ਕੇ, ਸੋਸ਼ਲ ਮੀਡੀਆ, ਆਦਿਵਾਸੀ ਆਸਟ੍ਰੇਲੀਆਈ ਲੋਕਾਂ ਲਈ ਆਪਣੀਆਂ ਕਹਾਣੀਆਂ ਸਿੱਧਾ ਵਿਸ਼ਵਵਿਆਪੀ ਦਰਸ਼ਕਾਂ ਨਾਲ ਸਾਂਝੀਆਂ ਕਰਨ ਲਈ ਇੱਕ ਸ਼ਕਤੀਸ਼ਾਲੀ ਪਲੇਟਫਾਰਮ ਵਜੋਂ ਉਭਰਿਆ ਹੈ। ਟਿਕਟੌੋਕ, ਇੰਸਟਾਗ੍ਰਾਮ, ਅਤੇ ਫੇਸਬੁੱਕ ਵਰਗੇ ਪਲੇਟਫਾਰਮਾਂ ਨੇ ਇਸਤੇਮਾਲਕਾਂ ਨੂੰ ਇਸ ਯੋਗ ਬਣਾਇਆ ਹੈ ਕਿ ਉਹ ਸੱਭਿਆਚਾਰਕ ਆਦਾਨ ਪ੍ਰਦਾਨ ਨੂੰ ਉਤਸ਼ਾਹਤ ਕਰਦੇ ਹੋਏ ਗਲਤ ਜਾਣਕਾਰੀਆਂ ਨੂੰ ਚੁਣੌਤੀਆਂ ਦੇ ਸਕਣ।
READ MORE
Who are the Stolen Generations?
