ਆਉਣ ਵਾਲੀਆਂ ਫੈਡਰਲ ਚੋਣਾਂ ਵਿੱਚ ਅਠਾਰ੍ਹਾਂ ਮਿਲੀਅਨ ਆਸਟ੍ਰੇਲੀਅਨ ਲੋਕ ਇਨਰੋਲ ਕੀਤੇ ਜਾ ਚੁੱਕੇ ਹਨ। ਆਸਟ੍ਰੇਲੀਆ ਦਾ ਚੋਣ ਕਮਿਸ਼ਨ ਇਹ ਸੁਨਿਸ਼ਚਿਤ ਕਰਦਾ ਹੈ ਕਿ ਸਾਡੀ ਫੈਡਰਲ ਸਰਕਾਰ ਨੂੰ ਆਕਾਰ ਦੇਣ ਵਿੱਚ ਮਦਦ ਕਰਨ ਲਈ ਸਾਰੇ ਨਾਗਰਿਕਾਂ ਨੂੰ ਬਰਾਬਰ ਮੌਕਾ ਮਿਲੇ। ਜੇ ਤੁਸੀਂ ਵੋਟਰ ਸੂਚੀ ਵਿੱਚ ਹੋ ਤਾਂ ਤੁਹਾਨੂੰ ਵੋਟ ਪਾਉਣਾ ਲਾਜ਼ਮੀ ਹੈ।
ਆਸਟਰੇਲੀਆ ਵਿੱਚ 150 ਫੈਡਰਲ ਇਲੈਕਟੋਰਲ ਡਿਵੀਜ਼ਨ ਹਨ। ਤੁਸੀਂ ਕਿਹੜੇ ਚੋਣ ਖੇਤਰ ਵਿਚ ਆਉਂਦੇ ਹੋ ਇਹ ਪਛਾਣ ਕਰਨ ਵਿੱਚ ਮਦਦ ਕਰਨ ਲਈ ਏਈਸੀ ਇੱਕ ਆਨਲਾਈਨ ਸਾਧਨ ਪ੍ਰਦਾਨ ਕਰਦਾ ਹੈ । ਆਪਣੇ ਚੌਣ ਖੇਤਰ ਨੂੰ ਲੱਭਣ ਲਈ electorate.aec.gov.au 'ਤੇ ਜਾਓ।
ਤੁਸੀਂ 13 23 26 'ਤੇ ਵੀ ਕਾਲ ਕਰ ਸਕਦੇ ਹੋ ਅਤੇ ਟੈਲੀਫੋਨ ਦੁਭਾਸ਼ੀਆ ਸੇਵਾ ਤੱਕ ਪਹੁੰਚ ਕਰ ਸਕਦੇ ਹੋ।
ਸਥਾਨਕ ਸਕੂਲ, ਕਮਿਊਨਿਟੀ ਸੈਂਟਰ ਅਤੇ ਚਰਚ ਹਾਲ ਆਮ ਤੌਰ 'ਤੇ ਚੋਣਾਂ ਵਾਲੇ ਦਿਨ ਪੋਲਿੰਗ ਕੇਂਦਰਾਂ ਵਿੱਚ ਬਦਲ ਜਾਂਦੇ ਹਨ।
ਆਪਣੀ ਭਾਸ਼ਾ ਵਿੱਚ ਵੋਟ ਦਿਓ
ਪੋਲਿੰਗ ਸਥਾਨ ਅਤੇ ਏਈਸੀ ਦੀ ਵੈੱਬਸਾਈਟ ਕਈ ਭਾਸ਼ਾਵਾਂ ਵਿੱਚ ਹਦਾਇਤਾਂ ਪ੍ਰਦਾਨ ਕਰਦੀ ਹੈ।
ਜੇ ਤੁਹਾਨੂੰ ਮਦਦ ਦੀ ਲੋੜ ਹੈ ਤਾਂ ਤੁਸੀਂ ਕਿਸੇ ਨੂੰ ਆਪਣੇ ਨਾਲ ਰੱਖ ਸਕਦੇ ਹੋ। ਤੁਹਾਡੀ ਭਾਸ਼ਾ ਵਿੱਚ ਆਪਣੀ ਵੋਟ ਪਾਉਣ ਵਿੱਚ ਤੁਹਾਡੀ ਮਦਦ ਕਰਨ ਲਈ ਇੱਕ ਟੈਲੀਫ਼ੋਨ ਦੁਭਾਸ਼ੀਆ ਸੇਵਾ ਵੀ ਉਪਲਬਧ ਹੈ।
ਵੋਟ ਪਾਉਣ ਦੇ ਹੋਰ ਤਰੀਕੇ
ਵੋਟਿੰਗ ਵਾਲੇ ਦਿਨ ਤੋਂ ਪਹਿਲਾਂ ਵੋਟ ਪਾਉਣ ਵਾਲੇ ਵੋਟਿੰਗ ਕੇਂਦਰ ਹਫ਼ਤਾ ਪਹਿਲਾਂ ਖੁੱਲ ਜਾਂਦੇ ਹਨ।
ਵਿਕਲਪਕ ਤੌਰ 'ਤੇ, ਤੁਸੀਂ ਆਨਲਾਈਨ ਜਾਂ ਏਈਸੀ ਦਫਤਰਾਂ ਵਿਖੇ ਡਾਕ ਵੋਟ ਦੀ ਬੇਨਤੀ ਕਰ ਸਕਦੇ ਹੋ।
ਅੰਤਰਰਾਜੀ ਅਤੇ ਵਿਦੇਸ਼ੀ ਵੋਟਿੰਗ
ਜੇ ਤੁਸੀਂ ਅੰਤਰਰਾਜੀ ਹੋਣ ਦੀ ਯੋਜਨਾ ਬਣਾਉਂਦੇ ਹੋ ਤਾਂ ਵੀ ਕੋਈ ਸਮੱਸਿਆ ਨਹੀਂ ਹੈ। ਤੁਸੀਂ ਡਾਕ ਵੋਟ ਦੀ ਵਰਤੋਂ ਕਰ ਸਕਦੇ ਹੋ ਜਾਂ ਕਿਸੇ ਅੰਤਰਰਾਜੀ ਵੋਟਿੰਗ ਕੇਂਦਰ 'ਤੇ ਜਾ ਸਕਦੇ ਹੋ।
ਜੇ ਤੁਸੀਂ ਵਿਦੇਸ਼ ਵਿੱਚ ਹੋ ਤਾਂ ਵੀ ਤੁਸੀਂ ਵੋਟ ਪਾ ਸਕਦੇ ਹੋ। ਵਿਦੇਸ਼ੀ ਨੋਟੀਫਿਕੇਸ਼ਨ ਫਾਰਮ ਏਈਸੀ ਦੀ ਵੈੱਬਸਾਈਟ 'ਤੇ ਉਪਲਬਧ ਹਨ। ਕੁੱਝ ਆਸਟਰੇਲੀਅਨ ਹਾਈ ਕਮਿਸ਼ਨ ਵੀ ਵੋਟਿੰਗ ਕੇਂਦਰ ਪ੍ਰਦਾਨ ਕਰਦੇ ਹਨ।
ਆਪਣੀ ਵੋਟ ਪਾਓ
ਤੁਹਾਨੂੰ ਇੱਕ ਹਰਾ ਅਤੇ ਇੱਕ ਚਿੱਟਾ ਬੈਲਟ ਪੇਪਰ ਮਿਲੇਗਾ।
ਹਰਾ ਬੈਲਟ ਪੇਪਰ
ਪ੍ਰਤੀਨਿਧੀ ਸਭਾ (ਸੰਸਦ ਦੇ ਹੇਠਲੇ ਸਦਨ) ਵਿੱਚ 151 ਸੀਟਾਂ ਹਨ, ਜੋ ਹਰੇਕ ਵੋਟਰ ਦੀ ਨੁਮਾਇੰਦਗੀ ਕਰਦੀਆਂ ਹਨ। ਜਿਹੜੀ ਪਾਰਟੀ ਹੇਠਲੇ ਸਦਨ ਵਿੱਚ ਸਭ ਤੋਂ ਵੱਧ ਸੀਟਾਂ ਜਿੱਤਦੀ ਹੈ ਉਹ ਸਰਕਾਰ ਬਣਾਉਂਦੀ ਹੈ। ਗ੍ਰੀਨ ਬੈਲਟ 'ਤੇ ਵੋਟ ਪਾਉਣ ਲਈ ਤੁਸੀਂ ਆਪਣੇ ਪਸੰਦੀਦਾ ਉਮੀਦਵਾਰ ਦੇ ਅੱਗੇ ਨੰਬਰ '1' ਲਿਖਦੇ ਹੋ, ਫਿਰ ਆਪਣੀ ਦੂਜੀ ਪਸੰਦ ਦੇ ਅੱਗੇ '2' ਲਿਖਦੇ ਹੋ ਅਤੇ ਉਦੋਂ ਤੱਕ ਜਾਰੀ ਰੱਖੋ ਜਦੋਂ ਤੱਕ ਸਾਰੇ ਬਕਸੇ ਭਰ ਨਹੀਂ ਜਾਂਦੇ।
ਚਿੱਟਾ ਬੈਲਟ ਪੇਪਰ
ਸੈਨੇਟ (ਉੱਚ ਸਦਨ) ਦੀਆਂ 76 ਸੀਟਾਂ ਵਿੱਚੋਂ ਤੁਸੀਂ ਆਪਣੇ ਰਾਜ ਜਾਂ ਖੇਤਰ ਤੋਂ ਸੈਨੇਟਰ ਚੁਣਨ ਲਈ ਵੋਟ ਪਾਓਗੇ।
ਜੇ ਤੁਸੀਂ ਵੋਟ ਨਹੀਂ ਦਿੰਦੇ ਤਾਂ ਕੀ ਹੁੰਦਾ ਹੈ?
ਵੋਟਿੰਗ ਲਾਜ਼ਮੀ ਹੈ। ਵੋਟ ਨਾ ਪਾਉਣ ਦੇ ਜਾਇਜ਼ ਕਾਰਨ AEC ਦੀ ਮਰਜ਼ੀ 'ਤੇ ਹਨ ਜੋ ਤੁਹਾਡੇ ਵਿਸ਼ੇਸ਼ ਹਾਲਾਤਾਂ ਦਾ ਮੁਲਾਂਕਣ ਕਰੇਗਾ। ਏਈਸੀ ਸਮਝਦਾ ਹੈ ਕਿ ਕੁਝ ਲੋਕ ਜੋ ਵਿਦੇਸ਼ਾਂ ਵਿੱਚ ਹਨ ਉਹ ਵੋਟ ਪਾਉਣ ਦੇ ਯੋਗ ਨਹੀਂ ਹੋ ਸਕਦੇ।
ਜੇ ਤੁਹਾਡੇ ਕੋਲ ਕੋਈ ਜਾਇਜ਼ ਕਾਰਨ ਹੈ, ਤਾਂ ਇਹ ਠੀਕ ਹੈ। ਨਹੀਂ ਤਾਂ, ਤੁਸੀਂ $ 20 ਦਾ ਜੁਰਮਾਨਾ ਅਦਾ ਕਰਦੇ ਹੋ। ਜੇ ਤੁਸੀਂ ਆਪਣਾ ਕਾਰਨ ਨਹੀਂ ਦੱਸਦੇ ਤਾਂ ਤੁਸੀਂ 170 ਡਾਲਰ ਦੀ ਫੀਸ ਅਤੇ ਅਦਾਲਤੀ ਖਰਚਿਆਂ ਦਾ ਸਾਹਮਣਾ ਵੀ ਕਰ ਸਕਦੇ ਹੋ।
AEC ਡਿਸਇਨਫੋਰਮੇਸ਼ਨ ਰਜਿਸਟਰ
ਏਈਸੀ ਸੁਤੰਤਰ ਅਤੇ ਨਿਰਪੱਖ ਹੈ, ਅਤੇ ਚੋਣ ਪ੍ਰਕਿਰਿਆ ਬਹੁਤ ਮਜ਼ਬੂਤ ਹੈ। ਏ.ਈ.ਸੀ. ਨੇ ਆਸਟ੍ਰੇਲੀਅਨ ਚੋਣ ਪ੍ਰਕਿਰਿਆ ਦੇ ਆਲੇ-ਦੁਆਲੇ ਗੁੰਮਰਾਹਕੁੰਨ ਅਤੇ ਧੋਖੇਬਾਜ਼ ਜਾਣਕਾਰੀ ਨੂੰ ਹੱਲ ਕਰਨ ਲਈ ਆਪਣਾ Disinformation Register ਲਾਂਚ ਕੀਤਾ ਹੈ।
aec.gov.au 'ਤੇ ਵੋਟ ਪਾਉਣ ਦੇ ਤਰੀਕੇ ਬਾਰੇ ਹੋਰ ਜਾਣੋ ਜਾਂ 13 23 26 'ਤੇ ਕਾਲ ਕਰੋ।
ਸਾਡੇ ਸਾਰੇ ਪੌਡਕਾਸਟ ਇਸ ਲਿੰਕ ਰਾਹੀਂ ਸੁਣੇ ਜਾ ਸਕਦੇ ਹਨ।
ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।
Do you have any questions or topic ideas? Send us an email to australiaexplained@sbs.com.au
