ਆਸਟ੍ਰੇਲੀਆ ਰਹਿੰਦੇ ਸਾਰੇ ਲੋਕ ਜਾਣਦੇ ਹਨ ਕਿ ਸਾਰਾ ਸਾਲ ਨਿੱਘ ਅਤੇ ਧੁੱਪ ਨਹੀਂ ਰਹਿੰਦੀ।
ਪਰ ਜਦੋਂ ਗੱਲ ਆਉਂਦੀ ਹੈ ਹੀਟਿੰਗ ਸਿਸਟਮ ਦੀ ਤਾਂ ਆਸਟ੍ਰੇਲੀਅਨ ਘਰ ਆਮ ਤੌਰ ਉੱਤੇ ਆਪਣੇ ਉੱਤਰੀ ਹੈਮੀਸਫੇਅਰ ਦੇ ਹਮਰੁਤਬਾ ਦੇਸ਼ਾਂ ਦੇ ਮੁਕਾਬਲੇ ਪਿੱਛੇ ਰਹਿ ਜਾਂਦੇ ਹਨ।
ਜਰਮਨੀ ਵਿੱਚ ਜਨਮੇ ਡਾ. ਸਵੈਨ ਟੇਸਕੇ, ਯੂਨੀਵਰਸਿਟੀ ਆਫ ਟੈਕਨਾਲੋਜੀ ਸਿਡਨੀ ਵਿਖੇ ਇੰਸਟੀਚਿਊਟ ਫਾਰ ਸਸਟੇਨੇਬਲ ਫਿਊਚਰਜ਼ ਵਿੱਚ ਐਸੋਸੀਏਟ ਪ੍ਰੋਫੈਸਰ ਅਤੇ ਖੋਜ ਨਿਰਦੇਸ਼ਕ ਹਨ, ਉਨ੍ਹਾਂ ਨੂੰ ਜਰਮਨੀ ਦੇ ਮੁਕਾਬਲੇ ਆਸਟ੍ਰੇਲੀਆ ਵਿੱਚ ਵਧੇਰੇ ਠੰਡ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਕੰਜ਼ਿਊਮਰ ਐਡਵੋਕੇਸੀ ਗਰੁੱਪ ਚੁਆਇਸ ਦੇ ਇੱਕ ਘਰੇਲੂ ਹੀਟਿੰਗ ਮਾਹਰ, ਕ੍ਰਿਸ ਬਾਰਨਸ, ਦੇ ਅਨੁਸਾਰ ਇਸ ਗੱਲ ਤੋਂ ਇਹ ਵੀ ਪਤਾ ਲੱਗਦਾ ਹੈ ਕਿ 'ਸੈਂਟਰਲ ਹੀਟਿੰਗ' ਆਸਟ੍ਰੇਲੀਆ ਵਿੱਚ ਆਮ ਨਹੀਂ ਹੈ।
ਉਨ੍ਹਾਂ ਮੁਤਾਬਕ ਜੋ ਲੋਕ ਆਪਣੇ ਪੂਰੇ ਘਰ ਨੂੰ ਗਰਮ ਰੱਖਣ ਨੂੰ ਤਰਜੀਹ ਦਿੰਦੇ ਹਨ ਉਹ ਇਸਦੀ ਵਰਤੋਂ ਕਰਦੇ ਹਨ।
ਜੇਕਰ ਇਸਦੇ ਨੁਕਸਾਨ ਦੇਖੇ ਜਾਣ ਤਾਂ ਕੇਂਦਰਿਤ ਹੀਟਿੰਗ ਸਿਸਟਮ, ਸਪਲਿੱਟ ਪ੍ਰਣਾਲੀਆਂ ਦੇ ਮੁਕਾਬਲੇ ਘੱਟ ਲਾਗਤ ਪ੍ਰਭਾਵੀ ਹੋ ਸਕਦੇ ਹਨ।
ਡਾ: ਟੇਸਕੇ ਦਾ ਕਹਿਣਾ ਹੈ ਕਿ ਨਿਕਾਸੀ-ਮੁਕਤ ਹੀਟਿੰਗ ਲਈ ਉਤਸੁਕ ਘਰੇਲੂ ਮਾਲਕਾਂ ਲਈ ਕੁੱਝ ਵਿਕਲਪ ਹਨ।
ਪਰ ਇਹ ਵਿਕਲਪ ਜ਼ਿਆਦਾਤਰ ਕਿਰਾਏਦਾਰਾਂ ਲਈ ਆਸਾਨੀ ਨਾਲ ਪਹੁੰਚਯੋਗ ਨਹੀਂ ਹੁੰਦੇ ਕਿਉਂਕਿ ਉਹਨਾਂ ਨੂੰ ਇੰਸਟਾਲੇਸ਼ਨ ਦੀ ਲੋੜ ਹੁੰਦੀ ਹੈ।
ਸਭ ਤੋਂ ਵੱਧ ਊਰਜਾ-ਕੁਸ਼ਲ ਵਿਕਲਪਾਂ ਵਿੱਚੋਂ ਇੱਕ ਹੈ ਹੀਟ ਪੰਪ, ਖਾਸ ਕਰਕੇ ਜਦੋਂ ਇਹ ਸੂਰਜੀ ਪੈਨਲਾਂ ਤੋਂ ਪ੍ਰਾਪਤ ਕੀਤੀ ਬਿਜਲੀ 'ਤੇ ਕੰਮ ਕਰਦਾ ਹੈ।
ਡਾਕਟਰ ਟੇਸਕੇ ਦਾ ਕਹਿਣਾ ਹੈ ਕਿ ਘਰ ਨੂੰ ਗਰਮ ਕਰਨ ਲਈ ਵਾਤਾਵਰਣ ਉੱਤੇ ਨਿਰਭਰ ਹੋਣਾ ਲੰਬੇ ਸਮੇਂ ਤੱਕ ਤੁਹਾਡੀ ਜੇਬ ਲਈ ਵੀ ਚੰਗਾ ਰਹਿੰਦਾ ਹੈ।
ਰਾਜ ਅਤੇ ਪ੍ਰਦੇਸ਼ ਸਰਕਾਰਾਂ, ਘਰਾਂ ਨੂੰ ਉਹਨਾਂ ਦੀ ਊਰਜਾ ਕੁਸ਼ਲਤਾ ਵਿੱਚ ਸੁਧਾਰ ਕਰਨ ਲਈ ਸਹਾਇਤਾ ਦੀ ਪੇਸ਼ਕਸ਼ ਕਰਦੀਆਂ ਹਨ। ਹੋਮ ਹੀਟਿੰਗ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਪ੍ਰੋਗਰਾਮਾਂ ਵਿੱਚ ਅੱਪਗ੍ਰੇਡ ਕਰਨ ਅਤੇ ਸਾਜ਼ੋ-ਸਾਮਾਨ ਦੀ ਖਰੀਦ ਲਈ ਛੋਟ ਅਤੇ ਵਿੱਤੀ ਪ੍ਰੋਤਸਾਹਨ ਦੇ ਨਾਲ-ਨਾਲ ਘਰੇਲੂ ਮਾਲਕਾਂ ਨੂੰ ਮੁਫ਼ਤ ਮਾਹਰ ਸਲਾਹ ਦੇਣਾ ਸ਼ਾਮਲ ਹੈ।
ਡਾਕਟਰ ਟੇਸਕੇ ਦਾ ਕਹਿਣਾ ਹੈ ਕਿ ਊਰਜਾ ਕੁਸ਼ਲਤਾ ਨੂੰ ਵਧਾਉਣ ਲਈ ਗ੍ਰੀਨ ਹੋਮ ਹੀਟਿੰਗ ਦਾ ਰੁਖ ਕਰਨਾ ਘਰਾਂ ਦੇ ਮਾਲਕਾਂ ਦੇ ਮੁਕਾਬਲੇ ਕਿਰਾਏਦਾਰਾਂ ਲਈ ਵਧੇਰੇ ਮੁਸ਼ਕਿਲ ਹੈ।
ਜੋ ਲੋਕ ਬਿਜਲਈ ਪ੍ਰਣਾਲੀਆਂ ਤੋਂ ਗ੍ਰੀਨ ਪਾਵਰ ਵਾਲੀ ਯੂਟੀਲਿਟੀ ਕੰਪਨੀ ਵਿੱਚ ਤਬਦੀਲ ਕਰਵਾਉਂਦੇ ਹਨ ਉਹ ਖਪਤ ਵਿੱਚ ਵੱਡਾ ਫਰਕ ਦੇਖਦੇ ਹਨ।
ਤੁਸੀਂ ਜਿਹੜਾ ਵੀ ਹੀਟਿੰਗ ਵਿਕਲਪ ਚੁਣਦੇ ਹੋ, ਸੁਰੱਖਿਆ ਸਭ ਤੋਂ ਮਹੱਤਵਪੂਰਨ ਹੋਣੀ ਚਾਹੀਦੀ ਹੈ।
ਫਾਇਰ ਐਂਡ ਰੈਸਕਿਊ ਨਿਊ ਸਾਊਥ ਵੇਲਜ਼ ਦੇ ਅਨੁਸਾਰ, ਹੀਟਰਾਂ ਅਤੇ ਇਲੈਕਟ੍ਰਿਕ ਕੰਬਲਾਂ ਨਾਲ ਬੈੱਡਰੂਮਾਂ ਅਤੇ ਲਾਉਂਜ ਰੂਮਾਂ ਵਿੱਚ ਵਧੇਰੇ ਗਰਮੀ ਕਾਰਨ ਠੰਡੇ ਮਹੀਨਿਆਂ ਵਿੱਚ ਘਰਾਂ ਵਿੱਚ ਅੱਗ ਲੱਗਣ ਦੀ ਗਿਣਤੀ ਵਿੱਚ 10% ਵਾਧਾ ਹੁੰਦਾ ਹੈ।
ਅਧਿਕਾਰੀ ਚੇਤਾਵਨੀ ਦਿੰਦੇ ਹਨ ਕਿ ਕਦੇ ਵੀ ਤੁਹਾਡੇ ਘਰ ਦੇ ਅੰਦਰ ਕੋਈ ਵੀ ਬਾਹਰੀ ਹੀਟਿੰਗ ਜਾਂ ਖਾਣਾ ਪਕਾਉਣ ਵਾਲੇ ਸਾਜ਼-ਸਾਮਾਨ ਦੀ ਵਰਤੋਂ ਨਾ ਕਰੋ, ਜਿਸ ਵਿੱਚ ਉਹ ਵੀ ਸ਼ਾਮਲ ਹਨ ਜੋ ਬਾਲਣ ਸਰੋਤ ਵਜੋਂ ਹੀਟ ਬੀਡਸ, ਚਾਰਕੋਲ, ਜਾਂ ਐਲ.ਪੀ.ਜੀ. ਦੀ ਵਰਤੋਂ ਕਰਦੇ ਹਨ।
ਇਸ ਬਾਰੇ ਵਿਸਥਾਰਿਤ ਜਾਣਕਾਰੀ ਹੇਠਾਂ ਦਿੱਤੇ ਆਡੀਓ ਲਿੰਕ ਉੱਤੇ ਕਲਿੱਕ ਕਰ ਕੇ ਲਈ ਜਾ ਸਕਦੀ ਹੈ:
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।
