ਤਨਖ਼ਾਹ ਦਰਾਂ ’ਚ 3.2% ਵਾਧਾ, ਪਰ ਮਹਿੰਗਾਈ ਖਾ ਰਹੀ ਵਾਧੇ ਦਾ ਵੱਡਾ ਹਿੱਸਾ

ਆਸਟ੍ਰੇਲੀਅਨ ਬਿਊਰੋ ਆਫ਼ ਸਟੈਟਿਸਟਿਕਸ (ABS) ਦੇ ਤਾਜ਼ਾ ਅੰਕੜਿਆਂ ਮੁਤਾਬਕ ਜੂਨ 2026 ਤੱਕ ਦੇ 12 ਮਹੀਨਿਆਂ ਵਿੱਚ ਦੇਸ਼ ਦੀਆਂ ਤਨਖ਼ਾਹਾਂ 3.2 ਫ਼ੀਸਦੀ ਵਧੀਆਂ ਹਨ। ਜੂਨ ਤਿਮਾਹੀ ਵਿੱਚ ਵਾਧਾ 0.8 ਫ਼ੀਸਦੀ ਰਿਹਾ। ਪਰ ਇਸੇ ਸਮੇਂ ਦੌਰਾਨ ਮਹਿੰਗਾਈ 3.8 ਫ਼ੀਸਦੀ ਰਹੀ। ਇਸ ਦਾ ਸਿੱਧਾ ਮਤਲਬ ਹੈ ਕਿ ਔਸਤ ਤਨਖ਼ਾਹ ਵਾਧਾ ਕੀਮਤਾਂ ਵਿੱਚ ਹੋਏ ਵਾਧੇ ਤੋਂ ਪਿੱਛੇ ਰਹਿ ਗਿਆ।

ਆਸਟ੍ਰੇਲੀਆ ਦੇ ਪੰਜਾਬੀ ਭਾਈਚਾਰੇ ਵਿੱਚ ਵੱਡੀ ਗਿਣਤੀ ਅਜਿਹੇ ਪਰਿਵਾਰਾਂ ਦੀ ਹੈ ਜਿੱਥੇ ਇੱਕ ਜਾਂ ਦੋਵੇਂ ਜੀਅ ਪੂਰਾ ਸਮਾਂ ਕੰਮ ਕਰਦੇ ਹਨ। ਕਈ ਲੋਕ ਟਰੱਕ ਡਰਾਈਵਿੰਗ, ਟਰਾਂਸਪੋਰਟ, ਨਿਰਮਾਣ, ਵੇਅਰਹਾਊਸਿੰਗ, ਸੁਰੱਖਿਆ, ਹੋਸਪਿਟੈਲਿਟੀ, ਕੇਅਰ ਅਤੇ ਹੋਰ ਸੇਵਾ ਖੇਤਰਾਂ ਨਾਲ ਜੁੜੇ ਹੋਏ ਹਨ।

ਇਨ੍ਹਾਂ ਪਰਿਵਾਰਾਂ ਲਈ ਤਨਖ਼ਾਹ ਵਿੱਚ 3.2 ਫ਼ੀਸਦੀ ਵਾਧਾ ਕਾਗਜ਼ ਉੱਤੇ ਚੰਗੀ ਖ਼ਬਰ ਲੱਗ ਸਕਦਾ ਹੈ। ਪਰ ਜਦੋਂ ਘਰ ਦਾ ਕਿਰਾਇਆ ਜਾਂ ਮੌਰਗੇਜ, ਕਰਿਆਨਾ, ਬਿਜਲੀ, ਬੀਮਾ, ਕਾਰ ਦੀ ਲਾਗਤ ਅਤੇ ਬੱਚਿਆਂ ਨਾਲ ਸਬੰਧਤ ਖ਼ਰਚੇ ਤੇਜ਼ੀ ਨਾਲ ਵਧ ਰਹੇ ਹੋਣ ਤਾਂ ਤਨਖ਼ਾਹ ਦਾ ਵਾਧਾ ਮਹਿਸੂਸ ਕਰਨਾ ਮੁਸ਼ਕਲ ਹੋ ਸਕਦਾ ਹੈ।

ABS ਮੁਤਾਬਕ ਜੂਨ 2026 ਤੱਕ ਹਾਊਸਿੰਗ ਦੀਆਂ ਲਾਗਤਾਂ ਸਾਲਾਨਾ 6.8 ਫ਼ੀਸਦੀ ਵਧੀਆਂ, ਜੋ ਮਹਿੰਗਾਈ ਵਿੱਚ ਸਭ ਤੋਂ ਵੱਡਾ ਯੋਗਦਾਨ ਪਾਉਣ ਵਾਲਾ ਖੇਤਰ ਸੀ।

ਹੋਰ ਵੇਰਵੇ ਲਈ ਆਡੀਓ ਬਟਨ ਕਲਿਕ ਕਰੋ

ਐਸ ਬੀ ਐਸ ਪੰਜਾਬੀ ਦੁਨੀਆ ਸਾਡੇ ਸਾਰੇ ਪੌਡਕਾਸਟ ਇਸ ਲਿੰਕ ਰਾਹੀਂ ਸੁਣੇ ਜਾ ਸਕਦੇ ਹਨ। 

ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।

ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।