Tolu vaiaso e tausi puipuia ai tagata uma i Initia i puipuiga mai le COVID-19.

O se faama'i aupito tele i le tala faasolopito o le lalolagi pe a le mafai ona taofia le pepesi o le COVID-19 i le atunu'u o Initia.

NEW DELHI, INDIA - MARCH 24: Deserted view of Vijay Chowk during the second day of lockdown. Source: Hindustan Times/Sipa USA

A faatusa i Samoa ma lona aofa'i o tagata e lata i le 200,000, o le aofa'i atoa o tagata i Initia e 'ova i le 1.3 piliona, ma o le faitau miliona o nei tagata e matitiva ma le mauaina auaunaga masani o le soifua maloloina.

Ua faatonuina e le palemia o Initia, Narendra Modi, le tapunia uma o femalaga'iga i le 'ea ma le lau'ele'ele, tapunia o a'oga ma pisinisi se'i vagana 'au'aunaga soifua maloloina.

Ua faatonuina fo'i le Sa i se tagata ona ulufafo ma lona fale mo le tolu vaiaso i taumafaiga e taofia le pepesi o le coronavirus.