O le mata'upu lenei ua lagalaga ai finagalo faaalia ona o le to'atele o tagata ma aiga ua 'ova i le 10 tausaga talu ona ulufale mai ma talosagaina Visa nofomau ae o lea lava e faatali.
E aofia ai se aiga mai Sri Lanka ua 13 tausaga talu ona sulufa'i mai, o se tasi o le fanau teine na taumu'u mai faato'a 7 tausaga le matua ae o lea ua 20 nei tausaga ma o loo a'oga faatausi ma'i i se Iunivesite i Ausetalia. O se avega mamafa ia te ia le le mautinoa pe mafai ona nofomau pe faatonuina i se taimi vave e tu'ua le atunu'u ua 13 tausaga o ola a'e ai.
