O se meaalofa taugata mai tagata ma le malo Ausetalia mo Samoa, o se va'a na fausia faaonapo nei mo le leoleoina o le gataifale o Samoa, ae ua le toe aoga talu ona pa'ulia i se a'au i Salelologa.
O loo feutaga'i le malo Samoa ma le faigamalo i Iapani mo se va'a leoleo, ae o loo toe 'ai'oi le minisita o leoleo ma falepuipui, Faualo Lefau Harry Schuster, i le malo tele i Ausetalia pe mafai ona faameaalofa atu seisi va'a.
Na ia faaalia lona maasiasi i le va nonofo ai ma Ausetalia ona o le taugata o le va'a leoleo le Nafanua II, ae ua le toe mafai ona fa'aaoga i le tele o mea na faaleagaina ina ua pa'ulia.
Share
