$180 miliona e totogi e le malo Samoa pe a toe faafo'i le vaalele.

Na faaalia e le minisita o loo gafa ma le matagaluega e pulea mataupu i va'alele sivili, o le fautuaga ua ia mauaina mai le Ofisa o Tupe, e $180 miliona e totogi e le malo Samoa pe a toe faafo'i le va'alele na lisi e le Samoa Airways ona ua uma ona saini le feagaiga ma le Kamupani e ona le va'alele.

Samoa Airways Source: Samoa Airways

I nisi o tala i le ripoti a Galuemalemana Austagavaia mai Apia, o loo faagasolo se malaga a le minisita o faato'aga ma sui o le matagaluega i Savai'i e faailoa fesoasoani mai le malo i le atina'e o faato'aga.

O se alii na faasalaina i le fale puipui mo se taimi umi ina ua faamaonia lona moliaga o le fasioti tagata, na tuli i tua lona faasalaga e auala i le faafaigaluega o se inisinia i le pisinisi a le minisita o fale puipui, Sala Fata Pinati.

Faia se feiloa'iga a le HRPP ma le alaalafaga o Afega, ae o lumana'i ai palota laiti mo le nofoa o Sagaga 2 lea o loo tauva ai Maulolo Tavita Amosa i lalo o le fu'a a le HRPP.