Peita'i e foliga mai o loo tutusa nofoa ua maua e vaega 'upufai le HRPP ma le Faatuatua i le Atua Samoa ua Tasi (FAST) i le ta'i 25, ma ua faalagolago ai nei i le filifiliga a le sui tuto'atasi e to'atasi na manumalo mai se tasi o nofoa i Savai'i e faavaea le malo.
Ua atoa le aofa'i e to'a 5 o sui tamaita'i e mana'omia i lalo o le tulafono; o i latou uma na manumalo mai i o latou nofoa na tauva ai, e aofia ai le ta'ita'i o le FAST, Fiame Naomi Mata'afa.
Masalo faato'a maua mai i le vaiaso o muamua se faai'uga aloa'ia, ona faagasolo ai lea o tagi ma petitions masani i tuua'iga o faiga faatosina i luma o le faamasinoga.
