42 sui tauva ua fa'aui i tua suafa mo palota o le 21 o Me.

E to'a 42 sui na tauva i faigapalota mo le palemene o Samoa i le Aso 9 o Aperila ua fa'aui nei i tua o latou suafa ma o le a le toe tauva i palota i le Aso 21 o Me.

Tuila'epa Sailele Malielegaoi i se feiloa'iga ma tusitala i Apia, 21 Aperila 2021. Source: SBS/Galumalemana Autagavaia Tipi.

O le to'atele o sui tauva ua fa'aui nei i tua o latou suafa, o sui na tauva o le vaega 'upufai le HRPP.

E leai se sui tauva mo le Faatuatua i le Atua Samoa ua Tasi (FAST) ua toe fa'aui i tua sona suafa - olona uiga o le a toe tauva uma sui o le FAST i palota nei e pei ona toe faia i lalo o se faatonuga mai le Ao o le Malo.