Na saunoa le kovana o le faletupe tu-totonu o Samoa, Maiava Atalina Enari, o puipuiga o le atunu'u mai le pepesi o le coronavirus ua matua a'afia ai le tele o pisinisi ma atina'e na faalagolago iai le malo mo ana tupe maua.
O le taofia o faigamalaga mai atunu'u i fafo ua matua a'afia ai le atina'e o tagata tafafao turisi, ma ua afaina ai le tamao'aiga o pisinisi faletalimalo ma fale'aiga.
E ui i lea, i se va'aiga mamao, o loo lava tupe faaleoleo ma le alofa foa'i o pa'aga a Samoa i fafo, o le a tausia ai mana'oga faifaipea o le atunu'u se'ia toe soloia lenei vairusi mai le lalolagi.
