O le faai'uga e faamalosia ona tausi puipuia pe quarantine tagata e ulufale mai atunu'u i fafo i le taulaga o Melbourne, na faia i se auala faanatinati ma mafua mai ai le tulaga faaletonu lea ua toe pepesi ai le coronavirus i le Setete o Vitoria.
Na faaalia i le amataga o le Komisi Su'esu'e i le faaletonu ua tula'i mai, e le'i manino poo ai tonu e gafa ma le pulega o le polokalame, ma o le Kamupani Security na ofoina iai le konekarate, e le'i faia le tiute taua o le faamalamalama i leoleo security o seisi Kamupani (sub-contract) o le taua o puipuiga o le pepesi o le vairusi.
