Ua faaalia e le ta'ita'i o le Ekalesia Katoliko Roma i Vitoria, le Archbishop of Melbourne Peter Comensoli, na te le usita'ia le tulafono i le Setete e faamalosia ai ona lipotia e patele ma ta'ita'i o le Ekalesia faamatalaga ma molimau i tamaiti e sauaina i le taimi o le Konifesio.
O se tasi lenei o fautuaga na aumaia i le Komisi Suesue i le sauaina o fanau e auala i le faia iai o feusua'iga faamalosi ma isi faiga mataga, le Royal Commission into Child Sexual Abuse. Ua faatulafonoina i nisi Setete ma Teritori ma ua faamalosia ai patele e lipoti i leoleo mataupu uma e aofia ai le sauaina o fanau e auala i le faia iai o feusua'iga faamalosi ma isi faiga mataga - e aofia ai molimau e mauaina i le taimi o se Konifesi.
Share
